DILI, 17 Novembru 2025 (TATOLI)—Ministeriu Públiku (MP) hamutuk ho Polísia Nasionál Timor-Leste (PNTL) ho parte saúde Hospital Nacional Guido Valadares (HNGV), Segunda ne’e, halo destroisaun materiál droga ho tipu kokaina ho kilograma MP halo destroisaun materiál droga kilograma 2,094 iha HNGV.
“Ohin, ita halo destroisaun ba materiál droga ho todan kilogramaMP halo destroisaun materiál droga kilograma 2,094,” Prokuradór Jerál Republika, Nelson de Carvalho hateten ba Jornalista sira, hafoin hamutuk ho entidade sira halo destroisaun iha HNGV.
Nune’e mós, Adjunta Prokuradora Jerál no Koordenadora iha Gabinete Sentrál Kombate Korrupsaun no Krime Organizada, Angelina Joaninha Saldanha dehan, prosesu ba autór sira sei la’o hela tanba husi MP labele ko’alia detallu, maibé objetu krime sira ne’e tenke destroi.
“Ohin ita halo destroisaun ba objeitu krime no prosesu ida-ne’e sei la’o, ami labele ko’alia detallamentu kona-ba konteúdu prosesu, maibé destroisaun ba prosesu ida-ne’e tanba barak, ita bele dehan ema fa’an karik osan hira maka tama,” nia akresenta.
Notísia relevante : Ekipa konjunta halo apreensaun ba droga Kokaina kilógrama 2,94
Liuhusi kolaborasaun husi parte hotu nian, konsege kaer arguidu sira no oras ne’e daudaun sira iha Prizaun Preventiva. Sidadaun estranjeiru sira hatama husi nasaun Fransa mai Timor.
Prokuradora Titular, Lídia Soares hateten, hanesan Prokuradora Titulár ne’ebé kaer kazu importasaun droga tolu, bainhira autoridade seguransa halo tiha apreensaun ba objetivu krime sira ne’e, lori ba laboratóriu ho konfirmasaun katak no rezulta hatudu katak kontein Cetamina.
“Depois ita foti nia amostra oituan lori ba iha teste laboratóriu, fofoun mai ho tipu kokaina, maibé depois tama ba laboratóriu ho konfirmasaun katak, nia kontein Cetamina tipu droga ida, ne’ebé tama hela iha ita-nia tabela lei droga nian lei númeru 02/2017, ” nia tenik.
Nia hatutan, tipu droga ne’e orijen hela no seidauk mistura, kuandu aumenta tan nia folin sei karun liután. Kuandu uluk halo apreensaun iha 11, ida de’it nia bele hetan osan $100-resin husi kada grama 300-resin.
Destroisaun ne’e ho desizaun judisiál, husi pedidu MP ne’ebé hateten kuandu sasán ne’ebé deklara lakon afavór ba Estadu, tanba sasán labele rai kleur tenke halo destroisaun.
Jornalista : Natalino Costa
Editora : Julia Chatarina
