DILI, 25 Novembru 2025 (TATOLI)—Ministru Transporte Komunikasaun, Miguel Gonçalves Manetelu, husu Diresaun Nasionál Transporte Terrestre halo kontrola másima ba movimentsasaun kamioneta tula sasán todan iha estrada nasionál.
Notísia Relevante: Komisaun D husu MF karega taxa ba kamioneta tula sasán tama fronteira
Ministru Transporte Komunikasaun, Miguel Gonçalves Manetelu, hateten akontesementu kamioneta ida tula sasán todan halo estrada kuak ne’e kazu ida-ne’e la’ós sai jeneraliza beibeik no kazu ne’e akontese tanba ladun iha kontrolu másimu husi parte DNTT no seguransa nian.
Antes ne’e halo ona despaixu katak kamioneta ne’ebé estarnizasaun husi roda ualu ba leten labele halo movimementu iha tempu loron, maibé iha balun kontinua viola regra, tanba ne’e mak tenke halo avaliasaun haree ba asuntu ida-ne’e.
“Ami iha prosesu altera dekretu-lei kona-ba kódigu estrada nú. 6/2003, normalmente iha buat balun ne’ebé ita sei enkaixa iha laran hodi sirkula movimentu kamioneta boot sira iha nasionál,” Ministru informa ba jornalista sira iha Portu Dili, ohin.
Enkuantu, kamioneta ne’ebe halo movimentu tama husi fronteira ne’e dekretu-lei iha tiha ona, no lei define katak kamioneta tula sasán todan tenke to’o tonelada rihun-18, selu ba dministrativa $45 karik tula sasán liuhusi tonelada rihun-18 sei multa kada kilo selu $5 no kada toneladu ida sei selu rihun $5.
Jornalista : Alexandra da Costa
Editór : Cancio Ximenes
