Grupu Militár iha Giné-Bisau deklara “hasai podér polítiku nasaun nian”
DILI, 27 Novembru 2025 (TATOLI) –Grupu ofisiál militár ida iha Giné-Bisau konfirma katak sira kaer ukun iha nasaun ne’e, fó-sai hosi televizaun públika Giné-Bissau nian, Komandu Militár ba Restaurasaun Orden Konstitusional nian fó sai kona-ba hasai poder polítiku iha nasaun.
Ofisiál sira ezérsitu nian hatete katak sira maka kaer nasaun Áfrika Osidentál nian to’o avizu foun Prezidente Embalo hatete katak nia hetan demisaun tiru iha kapitál molok anúnsiu hosi ofisiál sira Giné-Bissau maka nasaun ida ne’ebé la estavel liu iha Áfrika Osidentál
Grupu ida hosi ofisiál sira ezérsitu nian hatete katak sira hadau ona podér iha Giné-Bissau ne’ebé iha tendénsia ba golpe Estadu iha loron-kuarta ne’e, loron ida antes anúnsiu planeadu hosi rezultadu sira hosi eleisaun prezidensiál ida ne’ebé maka disputa maka’as.
Iha deklarasaun ida ne’ebé lee iha televizaun estatál hosi porta-vós Diniz N’Tchama, ofisiál sira ezérsitu nian hatete katak sira hasai ona Prezidente Umaro Sissoco Embalo, suspende prosesu eleitorál, taka fronteira sira no sei aplika restrisaun.
Lakleur, Embalo hatete ba France 24 TV: “Ha’u hetan demisaun.”
Ofisiál sira ezérsitu nian hatete iha sira-nia deklarasaun katak sira forma ona “Komandu Militár Aas ba Restaurasaun Orden nian” no sei kaer nasaun Áfrika Osidentál nian to’o avizu foun.
Ofisiál sira la espesifika se sira kaer ona Embalo.
Fonte rua seguransa nian hatete ba katak nia hetan detensaun iha eskritóriu xefe Estadu-Maior ezérsitu nian.
Iha deklarasaun vídeo ida ne’ebé fahe hosi nia kampaña iha loron-kuarta kalan, Fernando Dias, konkorente prinsipál Embalo nian iha eleisaun, hatete katak nia livre no iha fatin seguru ida hafoin ema armadu sira tenta kaer nia.
Dias dehan, eis Primeiru Ministru Domingos Simoes Pereira, ne’ebé Embalo halakon iha eleisaun 2019, hetan ona detensaun.
“Ami sai hanesan alvu hosi tentativa golpe Estadu falsu ida ho razaun simples katak ha’u maka manán eleisaun sira… Ne’e hanesan simulasaun ida,” nia hatete.
Uniaun Afrikana no bloku rejionál Áfrika Osidentál CEDEAO, iha komunikadu konjuntu ida iha loron-kuarta kalan ne’ebé hatudu “preokupasaun maka’as” kona-ba anúnsiu golpe Estadu nian, hatete katak responsável sira ne’ebé responsavel ba prosesu eleitoral hetan mós kaer no husu libertasaun lalais.
Ida-ne’e maka surtu ikus liu hosi distúrbiu sira iha Giné-Bissau, nasaun ki’ik ida iha tasi-ibun ne’ebé situa entre Senegal no Giné ne’ebé hanesan sentru notóriu ida ba kokaína ne’ebé ba Europa.
Notísia relevante: Observadór g7+ rekomenda pontu prinsipál hodi fortalese transparénsia eleitorál iha Giné-Bisau
Fonte: Reuters
