DILI, 27 Novembu 2025 (TATOLI)—Xefe Departamentu Imunizasaun iha Munistériu Saúde, Maria Angelina Pereira, husu ba sentru saúde hotu-hotu ne’ebe seidauk iha vasina rotavirus tenke halo pedidu lalais ba Institutu Nasionál Farmásia Produtu Medikamentu (INFPM), atu nune’e bele distribui lalais.
“Vasina imunizasaun ninian iha ita-nia rai laiha estoke out, ita agora estoke sufisiente,” nia hateten ba jornalista sira iha Kaikoli, ohin.
Nia dehan, ba sentru saúde balun ne’ebé seidauk hetan vasina rotavirus parte programa hato’o ona ba responsável kada munisípiu nian liuhusi grupu WhatsApp tenke halo reakizasaun hodi nune’e bele fó vasina ba labarik sira.
“Iha Grupu whatsApp ami husu sira tenke halo rekizasaun mai iha ami liuhusi M suplay sei tun direta ba INFPM hodi bele foti vasina hodi bele distribui ba sira-nia munisípiu,” nia dehan.
Nia mos rekoñese, iha fulan hirak liu ba vasina rotavírus estoke ramata, maibé daudaun ne’e vasina iha fali ona.
“Iha fulan-Jullu nia laran ne’e vasina to’o fali ona ho tatál vial rihun 24. Iha momentu ne’eba la konsege hetan rotavirus maibé agora iha ona vasina tanba ita hatene ketak vasina rotavírus ita fó ba labarik idade menus husi labarik tinan ida,” nia dehan.
Jornalista : Felicidade Ximenes
Editór : Cancio Ximenes
