DILI, 13 Dezembru 2025 (TATOLI)—Diretór-Jerál Servisu Korporativu Ministériu Saúde, Narcisio Fernandes, hateten médiku timoroan na’in -12 sei hasai espesialista iha nasaun Fiji.
“Médiku sira ne’ebé tama iha selesaun eskrita haruka ba universidade ne’ebé estudante sira sei estuda, nune’e bele hetan avaliasaun no prienxe rekizitu sira. Iha faze dahuluk hodi submete dokumentu sira, na’in-46 maka aplika, maibé na’in-36 de’it maa tama iha faze eskrita no na’in-10 mak laliu iha faze dokumentu nian. Iha faze ikus nian, médiku na’in-12 mak tama hodi kontinua estudu iha Fiji,” Narsicio Fernandes dehan ba jornalista sira iha Kaikoli, ohin.
Nia informa, bolseiru sira-ne’e sei estuda iha área espesializasaun hamutuk 12 hanesan anastesia na’in-rua (2), sirurjia na’in-rua (2), emerjénsia na’in-ida (1), internista na’in-ida (1), obstetika no jinekolojia na’in-ida (1), dermatolojia na’in-ida (1), áral sirujia na’in-ida 91), oftamolojia na’in-ida 91), psikiatre na’in-ida 91) no pediatria na’in-ida (1), no médiku siira-ne’e sei aranka ba Fiji iha Fevereiru 2026.
“Bolseiru sira ne’e sei estuda durante tinan haat, hahú husi 2026 to’o 2029, hafoin ramata sira-nia estudu iha rai-laran. Pozisaun ne’e publika iha fulan-Jullu 2025 no ramata iha Dezembru 2025,” nia dehan.
Jornalista : Felicidade Ximenes
Editór : Cancio Ximenes
