DILI, 15 Dezembru 2025 (TATOLI)-Prezidente Parlamentu Nasionál (PPN), Maria Fernanda Lay, iha enkontru ho Prezidente Repúblika (PR), José Ramos-Horta, atualiza prosesu estabelesimentu komisaun rekrutamentu ba instalasaun Supremu Tribunál Justisa (STJ).
Nia informa katak komisaun rekrutamentu ba juis Supremu Tribunál Justisa tuir prosedimentu plenária Parlamentu, ne’ebé sei realiza eleisaun iha 16 Dezembru ne’e, hodi hili tanba Parlamentu iha kandidatu na’in-rua.
“Ami mai informa hela ba Prezidente Repúblika, inklui estabelesimentu sira-nia edifísiu hodi hala’o serbisu no prosesu halo selesaun juis Tribunál Rekursu no juis embarkadór. Hein Governu mak sei hato’o alterasaun estatutu majistradu”, nia hateten hafoin ramata sorumutu iha Palásiu Prezidensiál, Aitarak-Laran, ohin.
Nune’e, iha Janeiru 2026, hahú halo prosedimentu serbisu tanba orsamentu alokadu ona.
Notisia relevante: https://tatoli.tl/2025/12/12/parlamentu-sei-harii-komisaun-rekrutamentu-ba-instalasaun-supremu-tribunal-justisa/
Jornalista: Nelson de Sousa
Editora: Maria Auxiliadora
