Top

Motorista sira presiza kontrola kondisaun veíkulu hodi prevene asidente

Deputado CNRT, Mateus da Cruz de Carvalho. Imajen/TATOLI

DILI, 17 Dezembru 2025 (TATOLI) – Motorista sira presiza kontrola kondisaun veíkulu molok halo movimentasaun hodi bele prevene asidente tráfegu, liuliu iha tempu udan.

Nune’e, deputadu husi Partidu Kongresu Nasionál Rekonstrusaun Timorense (CNRT), Mateus da Cruz, husu ba parte Polísia Unidade Tránzitu no Diresaun Nasionál Transporte Terrestre (DNTT) atu reforsa kontrolu movimentasaun transporte públiku iha loron natál no tinan foun no solisita mós ba motorista sira atu presta atensaun ba kondisaun viatura, nomós ba motorista sira atu kondús ho velosidade normál tanba tempu udan no halo rai namdoras.

“Iha loron boot ne’e movimentasaun sei maka’as, tau atensaun hodi prevene asidente ne’ebé ita la espera”, nia aviza.

Notísia relevante: https://tatoli.tl/2025/12/16/asidente-trafegu-iha-waisa-rezulta-ema-nain-tolu-lakon-vida/

Iha parte seluk, nia husu mós ba parte relevante atu halo sosializasaun ba parajen transporte públiku ka halte, ne’ebé Governu harii ona, liuliu iha Dili, nune’e motorista sira bele kumpre.

Tuir nia, transporte públiku sira barak mak la kumpre, la para iha halte atu hatún pasajeiru.

Aleinde ne’e, deputadu CNRT, Gabriel Soares, sujere ba loja sira iha kapitál atu koloka pesoál iha fatin estasionamentu hodi kontrola veíkulu sira atu solusiona engarrafamentu, tanba daudaun movimentasaun maka’as iha loja sira.

Lembra katak asidente tráfegu horisehik ne’ebé akontese iha área Waisá, aldeia Ossoua, suku Tirilolo, postu administrativu Baukau Vila, rezulta ema na’in-tolu lakon vida no 20-resin mak hetan kanek kamaan no grave, tanba suspeita karreta de repente laiha travaun.

Asidente ne’e akontese pur volta tuku 01h30 otl no karreta kamioneta ho xapa matríkula A. 56.916 husi diresaun postu administrativu Ossu, munisípiu Vikeke, bá Dili.

Jornalista: Nelson de Sousa

Editora: Maria Auxiliadora

Publisidade

Leave a Reply

Latest Post

error: Content is protected !!