KOVALIMA, 18 Dezembru 2025 (TATOLI)– Servisu Munisipál Asaun Sosiál (SMAS), durante-ne’e fó ona apoiu kaixaun hamutuk 203 ba família matebian husi postu administrativu hitu , iha Munisípiu Kovalima.
“Hahú Janeiru to’o Dezembru ne’e Sevisu Munisipál Asaun Sosiál (SMAS) fó apoiu ona kaixaun hamutuk 203 ba família matebian vulneravél ne’ebé maka supmete sira-nia pedidu ba SMAS atu fo apoiu kaixaun ”, Diretór Servisu Munisipál Asaun Sosiál ,Clementino Bere, relata dadus ne’e ba TATOLI, iha Bairu Kosta ohin.
Dirijente ne’e esplika,Kaixaun hamutuk 203 ne’e ,SMAS gasta osan hamutuk $ 28,785.00 , ne’ebé fó apoiu ho nia medida kiik hamutuk 43 ho nia folin kada kaixaun $60.00 ne’ebé gasta ona osan 2,580.00,Kaixaun ho nia medida naton hamutuk 12,ne’ebé kada kaixaun ho nia folin $ 95.00 ne’ebé gasta ona osan $ 1,140.00 ho kaixaun ho medida boot hamutuk 148 ho nia folin kada kaixaun $ 170.00 gasta ona osan $ 25,160.00
SMAS fó apoiu kaixaun ne’e bainhira servisu hamutuk ho empreza Raicius Camenasa hahú 2022 to’o ohin loron hodi hodi fornese kaixaun bainhira simu pedidu hosi xefe suku sira husi postu administrativu hitu,munisípiu Kovalima.
Tuir planu asaun anuál Servisu Munisípiu Asaun Sosiál iha nia programa inkluzaun sosiál ho nia sup programa asaun sosiál iha atividade realizasaun servisu funeráriu públiku no fiskalizasaun atividade instituisaun solidariedade.
Aleinde ne’e Asaun sosiál Kovalima iha nia sup programa abordagen jéneru iha nia atividade sira hanesan fortalesimentu emansipasaun sosio-ekonómiku ba feto vulneravél
Atividade fortalesimentu emansipasaun sosio-ekonómiku ba feto vulneravél iha 2025 ne’e fó apoiu ona finanseira ba feto vulneravél hamutuk na’in-21 ho nia orsamentu hamutuk $ 4,200 tanba kada feto vulneravél fó apoiu finanseira osan $ 200 hodi akbit sira-nia ekonómia família
Jornalista: Celestina Teles
Editór:Florencio Miranda Ximenes
