Outubru-Dezembru, HNGV rejista dengue hamutuk 115
DILI, 22 Dezembru 2025 (TATOLI)—Xefe Departamentu Emerjénsia iha Hospitál Nasionál Guido Valadares (HNGV), Julia Rodrigues Quintão, informa husi fulan-Outubru to’o Dezembru ne’e, Departamentu Emerjénsia rejista kazu dengue ba labarik no ema boot hamutuk 115.
“Husi fulan-Outubru to’o 15 Dezembru ne’e sala emerjénsia HNGV rejista pasiente dengue hmutuk 115 no hus8i númeru ne’e labaik hamutuk 72 no ema boot hamutuk 43,” Julia Quitão dehan ba jornalista sira iha nia kna’ar fatin, Hospital Nasionál Guido Valadares, Bidau, ohin.
Nia afirma, kazu dengue ne’e nia diagnosa perigu tebes, tanba ne’e mak banhira pasiente ida mai ho kazu dengue médiku sira tenke tau tuir nia klasifikasaun.
“Agora husi klasifikasaun mak ita hatene labarik ne’ebé afeta dengue febril iha na’in-hitu, dengue grave na’in-tolu (3), dengue moderadu hamutuk 55 no dengue mild na’in-hitu (7) no ema adultu ne’ebé afetadu hamutuk 43,” nia relata.
Nia esplika, dengue grave mak pasiente sira dalabarak sentina boot raan no estika an, ida-ne’e konsidera dengue grave.
“Dalabarak kazu dengue ne’ebé mak mai, ita baixa hotu kedas tantu labarik kiik no ema boot. Entaun se labarik iik ba baixa iha sala pediatria no ema boot ba baixa iha sala medisina interna,” nia hateten.
Nia relata, kona-ba espasu HNGV nafatin enfrenta problema maibe daudaun ne’e iha ona mudansa kona-ba departamentu paliativu no deparatmentu Tuberkoloze muda ona ba Lahane, entaun fo ona espasu balun nune’e banhira surtu dengue ne’e maka’as bele uza fatin ne’ebé mak iha.
Jornalista : Felicidade Ximenes
Editór : Cancio Ximenes
