DILI, 30 Dezembru 2025 (TATOLI)–Tribunál Judisiál Primeira Instánsia Dili (TJPID), Tersa ne’e, liuhusi interogatóriu dahuluk deside aplika Prizaun Preventivu ba arguidu ho insiál DA, ba kazu furtu agravadu tanba foti subar telefone iha loron Natál.
Iha interogatóriu dahuluk ne’e, Ministériu Públiku (MP) promove arguidu ho krime furtu agravadu tanba deskonfia foti subar felefone.
Iha alegasaun, MP husu Tribunál atu aplika Medida Aprezentasaun Períodika ba arguidu. Enkuantu defeza husi arguidu DA, Angelmo Pinto Akara mós aseita ho pedidu MP nian.
Notísia relevante : Kazu furtu agravadu, MP alega arguidu na’in-tolu ho pena prizaun tinan-10
Hafoin Tribunál halo tiha indentifikasaun ba arguidu AD, ikus mai Juíz turnu deside aplika medida Prizaun Preventiva ba arguidu.
Hafoin Tribunál hatun despaisu, tuir defeza arguidu nian, Angelmo Pinto Akara, hateten katak, Tribunal aplika medida Prizaun Preventiva ba arguidu tanba iha indísiu forte.
Jornalista : Natalino Costa
Editora : Julia Chatarina
