DILI, 07 Janeiru 2026 (TATOLI)—Prezidente Institutu Nasionál Kombate HIV-SIDA (INCSIDA), Daniel Marçal, promete sei halo sensibilizaun to’o suku no aldeia sira iha nunisípiu sira, nune’e bele prevene moras HIV-SIDA iha Timor-Leste.
“Loosduni, ema hotu preokupa liuliu Parlamentu Nasionál no Governu tanbasá ai-moruk laiha. Ema barak ona kona moras HIV, agora ai-moruk laiha, keta hanoin dehan kona ba HIV ne’e buat aat kona laiha HIV mós mate, iha HIV mós mate, labele diminiu ita-nia vida. Tanba ne’e, ami sei halo sensibilizasaun to’o iha suku sira iha munisípiu sira hotu,” Daniel Marçal informa ba Jornalista sira hafoin halo sensibilizasaun ba estudante Sao José Operariu, Balide, ohin.
Nia dehan, INCSIDA sei kontinua halo sensibilizaun atu hasa’e nafatin komunidade nia koñesementu atu bele prevene virus HIV.
“Ami kontinua halo sensibilizasaun nafatin ho ita-boot sira jornalista. Se ita-boot sira la partisipa hamutuk ho ami, ema lahatene ami-nia servisu. Tanba ne’e mak ami servisu, ita-boot sira la ba, ema dehan ami la servisu no ita-boot sira ba mak foin ema hatene INCSIDA servisu, tanba ita-boot sira mak partilla infomasaun no fahe informasaun kona-ba HIV-SIDA nian ba ema hotu,” nia dehan.
Nia relata, Institutu Nasionál Kombate HIV-SIDA sei halo sensibilizasasaun maka’as ba komunidade iha munisípiu sira-ne’ebé mak seidauk hetan informasaun.
“Tinan ida sei la’o ba munisipiu sira maibé liuliu ba suku barak mak ami seidauk tama. Tanba ne’e, tinan ida-ne’e ami sei ba suku no aldeia sira-ne’ebé mak durante ne’e la ba. Munisipiu sira-ne’ebé mak HIV-SIDA sa’e maka’as mak hanesan Bobonaru, Kovalima, Oekusi, Baukau, Ermera no Dili, no munisipiu sira-ne’e mak tama iha risku HIV,” nia esplika.
Nia haktuir, munisipiu sira-ne’ebé la asesu mak ba infomasaun ne’e tenke proteje joven sira atu nune’e labele hetan moras HIV-SIDA.
“Ita la proteje ita-nia joven sira, sira-ne’ebé mak hetan HIV-SIDA balun mate ona. Tanba ne’,e ba oin ita sei tau atensaun liu ba munisipiu sira-ne’ebé mak risku maka’as tebes liuliu iha munisipiu sira-ne’ebé mak besik fronteira,” nia dehan.
Jornalista : Felicidade Ximenes
Editór : Cancio Ximenes
