Dili, Timor Leste – PT Mitra Pinasthika Mulia (MPM Honda), nudar distribuidór motorizada Honda, kontinua hatudu nia kompromisu atu fó servisu di’ak liu ba konsumidor sira iha Timor Leste liu husi hametin rede dealer ofisiál Honda ne’ebé apoiadu ho servisu pós-venda AHASS (Astra Honda Authorized Service Station).
Dealer ofisiál Honda iha Timor Leste hadir atu garante katak konsumidor sira la’ós de’it hetan motorizada Honda ne’ebé kualidade no konfiável, maibé mos servisu manutensaun ne’ebé seguru, profisionál, no tuir padraun Honda. Servisu AHASS hotu-hotu hala’o husi mekaniku ne’ebé iha sertifikasaun Honda, uza piese orijinal Honda, ekipamentu bengkel modernu, no prosedimentu servisu ne’ebé padronizadu atu hadia no mantén performa motorizada iha kondisaun di’ak.
Presensa rede dealer ofisiál no AHASS fó fasilidade ba komunidade iha Timor Leste atu asesu servisu sosa motorizada, manutensaun periodiku, to’o reparasaun motorizada Honda. Ho servisu ne’ebé konsistente no konfiável, Honda esforsa atu fó sentidu seguranza no konfortu ba konsumidor sira hodi apoia mobilidade lor-loron.
Agora daudauk, Honda iha ona balu dealer ofisiál iha Timor Leste, hanesan Palma Motor (No. 6, Av. Pres. Nicolau Lobato, Dili), Cai-Bete Motor (Comoro, Av. Pres. Nicolau Lobato, Dili), Diogo Moto Forte Motor (49 Manu Fuic, Ruko Grand Diosis Property, Blok B1 No. A8, Colmera, Vera Cruz, Dili), no Cedars Motor (Av. Liberdade de Imprensa, Dili).
Suwito, Prezidente Diretór MPM Honda, hateten katak Honda kontinua kompromete atu fó servisu di’ak liu ba konsumidor sira iha Timor Leste.
“Ami kompromete atu fó servisu venda no pós-venda ne’ebé konfiável liu husi rede dealer ofisiál no AHASS, hodi garante katak konsumidor sira iha Timor Leste hetan produtu Honda ne’ebé kualidade, resistente, ekonomiku iha konsumu fuel, no komfortável atu uza ba atividade sira iha lor-loron,” nia dehan.
Liu husi rede dealer ofisiál ne’e, Honda garante katak konsumidor hotu-hotu hetan servisu pós-venda ho garantia kualidade ne’ebé di’ak liu. Iha futuru, Honda sei kontinua hadia kualidade produtu no servisu nudar parte husi kompromisu atu sai parceiru konfiável iha konduz motorizada ba komunidade iha Timor Leste.
