Konflitu entre EUA-Venezuela sei fó impaktu ba presu petróleu
DILI, 12 Janeiru 2026 (TATOLI)—Embixadór Timor-Leste ba Estadu Unidu Amérika, José Luís Guterres, hateten konflitu ne’ebé akontese entre nasaun Estadu Unidu Amérika no Venezuela sei fó impaktu ba presu petróleu ne’ebé sa’e.
Notísia Relevante: Trump : Venezuela sei entrega ‘imediatamente’ petróleu millaun resin bá EUA
Embixadór Timor-Leste ba Estadu Unidu Amérika, José Luís Guterres, afirma funu iha fatin ne’ebé de’it iha impaktu ba ekonomia mundiál, bainhira konflitu ruma iha médiu oriente presu petróleu hahú sa’e no konflitu ne’e mak naruk liután sei fó impaktu mós ba hahán. Maibé asaun ne’ebé EUA halo iha Venezuela lori oras balun de’it no situasaun ohin loron iha Venezuela mós normaliza ona.
“Aleinde ne’e Prezidente foun iha Venezuela mós simu pose no hahú halo daudaun negosiasaun ho nasaun sira seluk inklui EUA kona-ba investimentu petróleu, tanba rezerva petróleu iha Venezuela ne’e barak tebe-tebes no sira mós presiza osan atu halo dezenvolvimentu ba sira-nia rai,” Embaixadór ne’e relata ba jornalista sira iha Palásiu Governu, ohin.
Diplomata ne’e hatutan, hanesn foin lalais ne’e saida mak akontese iha Venezuela la fó impaktu ba Timor no Konsellu Ministru foti desizaun ida-ne’ebé reafirma Timor-Leste nia kompromisu ba direitu internasionál no mós Timor-Leste apela ba diálogu entre EUA no Venezuela.
Nune’e, pozisaun Timor_Leste nian ne’ebé reflete mós Estadu ho pozisaun ne’ebé di’ak ba iha Timor-Leste no povu.
“Timor-Leste iha investimentu iha EUA, ita sosa ekuitís kuazé kompañia Amerikanu 600, nune’e osan ne’ebé tinan-tinan ita uza ba finansia orsamentu ne’e mai husi returnu investimentu ne’ebé ita halo iha EUA, inklui iha nasaun Áziatiku balun hanesan Singapura no iha Europa hanesan Japaun,” nia dehan.
Nia dehan, ida-ne’e atu hateten de’it katak relasaun EUA importante ba Timor-Leste tanba uza osan dolár amerikanu, TL mós iha investimentu no mós fó kompeténsia utiliza giaun ida bele hlao asaun diplomata tuir buat ne’ebé Estadu no povu Timor hakarak ba relasaun entre EUA no Timor-Leste.
Notísia Relevante: Trump garante ‘seguransa totál’ ba investidór petrolíferu inklui ConocoPhillips iha Venezuela
Jornalista : Alexandra da Costa
Editór : Cancio Ximenes
