KOVALIMA, 27 Janeiru 2026, ( TATOLI) – Sekretáriu Estadu Kooperativa, Arsénio Perreira da Silva, hamutuk ho Reprezentante Autoridade Kovalima Filomeno Cardoso, fó pose ba estrutura kooperativa na’in-110 ne’ebé mak estabelese, iha munisípiu Kovalima.
Kooperativa haat ne’e estabelese iha postu administrativu tolu mak hanesan postu administrativu Fatululik iha grupu kooperativa rua,hanesan Postu Zumalai ida no Tilomar ida ho nia membru hamutuk 110
Estrutura Kooperativa haat ne’e mai husi postu adminstrativu tolu ne’ebé mak simu pose ne’e mak hanesan, Prezidente Vise Prezidente, Sekretáriu, Tezoreira no vogál hodi Akbiit ekonomia família.
“Fasilita para oinsá bele book aan ba emposada sira labele sente hanesan prezidente ho estrutura mak buat hotu, maibé prinsipiu kooperativa hotu-hotu nian ida-ne’e diretiva atu organiza movimentu Kooperativa no kooperativa hotu-hotu”, SEK ne’e afirma liuhosi diskursu iha salaun AMC, ohin.
Governante ne’e husu ba direjente kooperativa sira atu diriji membru no kontinua fiskaliza lalaok kooperativa, nune’e kooperativa nafatin eziste hodi aumenta númeru membru no kapitál.
“Ita lakohi, ohin pose aban ita fahe malu maske membru kooperativa balun nia membru la to’o 50. Husu ba Autoridade sira hanesan administradór Postu Administrativu no xefe suku sira atu akompaña kooperativa sira, nune’e kooperativa kontinua la’o ho di’ak hodi sustenta ekonómia família”, nia husu.
Iha fatin hanesan, Reprezentante Prezidente Autoridade Munisípiu Kovalima, Filomeno Cardoso, hato’o agradesimentu ba inisiativa husi Sekretariu Estadu kooperativa hodi hakbi’it ekonómia família.
“ Bele hakbiit ami nia komunidade sira hodi forma kooperativa liuliu komunidade husi postu administrativu Fatululik, Tilomar no Zumalai hodi bele hadia moris loro-loron,” nia agradese.
Entretantu, Prezidente Komisaun organizadora Word Vision, Januário Inacio, reforsa Word Vision la servisu mesak servisu hamutuk ho parseiru sira hanesan SEKOOP, IADE , SERVE,I.P, Moris Rasik, Kaebauk no seluk tan.
Kooperativa haat ne’e mak hanesan, kooperativa multisetorál ho nia membru 38 ho nia kapital $8.035.00 husi orsamentu ne’e ema empresta ona $7,158.00 no osan ne’ebé mak iha kaixa $877.00, Kooperativa multi Sektorál Hafanun no laran metin ho nia membru 41, ho totál osan kapitál $3,321.65, osan ne’ebé mak ema empresta $139.65 no osan iha kaixa $3.182.00, Kooperativa kreditu Union ho nia membru 16 ho totál orsamentu $4,480.00 no Kooperativa multisetorál moris susar la’o hamutuk ho nia membru 15 ho nia kapital $3.000.00.
Notisia relevante: SEKoop fó pose ba estrutura FMC Kuda Ulun Fronteira
Jornalista: Celestina Teles
Editór: Florencio Miranda Ximenes
