DILI, 29 Janeiru 2026 (TATOLI)—Governu Timor-Leste liuhusi Dirasaun Jerál Ambiente, Dirasaun Nasionál Mudansa Klimátika (DNAC) iha Ministériu Turizmu no Ambiente, hamutuk ho United Nations Development Programme (UNDP) Timor-Leste, realiza serimónia entrega ekipamentu no asesóriu refrijerasaun no kondisionamentu (Refrigeration and Air Conditioning/RAC) ba benefisiáriu sira liuliu ba empreza sira-ne’ebé implementa ona Programa HCFC iha Timor-Leste.
Atividade ne’e parte husi Programa Jéstain HCFC Faze II (HPMP II), ne’ebé objetivu atu elimina uza Hydrochlorofluorocarbon (HCFC) molde iha tinan 2030, tanba nia impaktu ba rarefasaun ozonu ne’ebé proteje moris husi radiasaun ultravioleta.
Xefe Departamentu Ozonu, Luis dos Santos Belo, hateten Governu esforsu-an atu empodera empreza sira atu uza ekipamentu Refrigeration and Air Conditioning (RAC) ne’e ho profisionál no responsabilidade.
“Governu liu husi DNAC iha Departamentu Ozonu, Diretoradu Jerál Ambiente, no Ministériu Turizmu no Ambiente esforsu-an atu empodera empreza sira atu uza ekipamentu Refrigeration and Air Conditioning (RAC) ne’e ho profisionál no responsabilidade. Ita tenke prova katak buat hanesan ne’e mós bele trata husi ema Timor,” Xefe Departamentu Ozonu, Luis dos Santos Belo, hateten ba jornalista sira iha Timor Plaza, ohin.
Benefisiáriu empreza ualu (8) sira mak hanesan WAKI-LOLO Unipesoál, Lda, CEROF 1995 Unipesoál, Lda, Barros Electrico Unipesoál, Lda, Lelo Service Unipesoál, Lda, Bobadia Unipesoál Lda, DEDEDE 1912 Unipesoál, Lda, Soares Giaruda Unipesoál, Lda, no ILLINOI Unipesoál, Lda.
“Ekipamentu no asesóriu Refrigeration and Air Conditioning (RAC) na’in-20 mak entrega iha atividade ne’e, ne’ebé kompotu husi Digital Manifold Gauge, Leak Detector (aparatu deteksaun kebocoran refrigerante), Vacuum Gauge ka Vacuum Meter, Digital Clamp Meter ka Multimeter, Tube Cutter ka Tube Piercing Tool, no parafuzu, ekipamentu liman apoiu no asesóriu servis RAC hanesan kabel sensor, konektor, no komponente apoiu seluk ba suporta servisu tékniku sira ho profisionál no segurança,” nia informa.
Enkuantu, Reprezentante UNDP iha Timor-Leste, Adeline Carrier, liuhusi mensajen ne’ebé Pedro Marçal da Costa lee katak ekipamentu ne’e hetan liuhusi projetu planu jestuin eliminasaun hidrofluorokarbon iha oklu protokolu montreal.
Nia hatutan, aumentu temperatura globál kondús aumentu uza ekipamentu pendingin no Air Condationer (AC).
“Importante ba konsumidór no fornesedór servisu atu hatene no aplika téknika ne’ebé ekolojikamentu seguru no disponivel iha merkadu,” nia dehan.
Nune’e, UNDP fiar katak ekipamentu no asesória ne’ebé entrega sei apoia empreza servisu sira iha aplika práktika di’ak-liu téknika ne’ebé ekolojikamentu seguru no konsiente ba klima, liuliu iha setór pendingin no kondisionamentu.
“UNDP mós afirma nia kompromisu atu kontinu servu hamutuk ho Governu Timor-Leste iha apoia tranzisaun ba téknika ne’ebé mais verde, hodi fortelese reziliénsia no dezenvolvimentu sustentável iha Timor-Leste,” nia dehan.
Jornalista : Alexandra da Costa
Editór : Cancio Ximenes
