Primeiru-Ministru Anthony Albanese fila hikas bá Austrália
DILI, 29 Janeiru 2026 (TATOLI)—Primeiru-Ministru (PM) Austrália, Anthony Albanese, Kinta ne’e, fila hikas bá Austrália, hafoin vizita Dili iha loron 28 Janeiru no partisipa iha atividade oinoin.
Anthony Albanese fila ho Aviaun Royal Australian Air Force ho marka A62-002, ne’ebé desloka husi Aeroportu Internasionál Prezidente Nicolau Lobato, Komoro bá Austrália iha tuku 07:40.
Prezidente Repúblika, José Ramos-Horta no Primeiru-Ministru, Kay Rala Xanana Gusmão inklui membru Governu balun no korpu diplomátiku akompaña bainaka espesiál ne’e to’o Aeroportu Komoro.
Notísia relevante : To’o ona Dili, Timor-Leste simu PM Austrália ho entuziasmu
Durante estadia iha Dili loron ida kalan ida, Xefe Governu australianu hela iha otél Palm Spring, Fatuhada.
Primeiru-Ministru austrálianu durante deslokasaun bá Aeroportu hetan seguransa másimu husi Autoridade Seguransa no Batedores sira.
Bainhira Primeiru-Anthony Albanese la’o tama ba pista aviaun hodi sa’e aviaun, nia sei kaer liman no hakuak Prezidente Repúblika Ramos-Horta no nia omólogu Xanana Gusmão nu’udar jestu ida atu fahe malu no amizade.
Jornalista : Natalino Costa
Editora : Julia Chatarina
