DILI, 04 Fevereiru 2026 (TATOLI)—Governu liuhusi reuniaun Konsellu Ministru aprova doasaun ho montante millaun $5 ba Portugál, hafoin pasajen tempestade (anin boot akompaña ho udan) Kristin nian ne’ebé husik hela destruisaun ka estragus iha rejiaun balun liuliu iha zona sentrál.
Fenómenu meteorolójiku estremu sira kauza ona ema mate, ema sira-ne’ebé dezlokadu, estragu maka’as ba uma sira, infraestrutura públika no ekipamentu koletivu, nune’e mós interupsaun iha fornesimentu enerjia, transporte no servisu esensiál sira seluk.
Tanba ne’e, apoiu finanseiru ne’e ho objetivu atu kontribui ba esforsu resposta imediata, rekuperasaun no rekonstrusaun iha área sira-ne’ebé afetadu liu.
Jornalista : Alexandra da Costa
Editór : Cancio Ximenes
