DILI, 06 Fevereiru 2026 (TATOLI)–Ekipa Maudoko Football Club (FC) lolo Vale de Lahane (VDL) ho skor 8-0 iha jogu jornada da-12 Liga Futeból Femininu Timor-Leste (LFFTL) ne’ebé hala’o iha Kampu Federasaun Futeból Timor-Leste (FFTL), Bairros dos Grilos, Kinta (05/02/2026).
Ekipa Maudoko FC konsege rekolla pontu tolu husi VDL FC hafoin manán ho skor 8-0 iha-ne’ebé golu lima prodús iha parte dahuluk liuhusi jogadora sira hanesan Deborah Pagawak iha minutu 4, golu tolu (hattrick) husi Marcela Yulianan Awi iha minutu 9, 14 no 41 no jogadora Zezilda Conceição iha minutu 21.
Notísia relevante: Maudoko FC doko UNITAL, kulugisa derrota ho Maranatha
Enkuantu, golu tolu seluk prodús iha parte daruak liuhusi jogadora sira hanesan Feni Binbarek iha minutu 45 no golu rua seluk husi jogadora Sonia dos Santos iha minutu 51 no 68.
Ho rezultadu jogu entre ekipa, rezulta Maudoko iha pozisaun dahaat (4) hafoin manán jogu ualu (8), impata rua (2), derrota rua (2) ho totál pontu 26, enkuantu VDL FC iha pozisaun daualuk (8) ho pontu hitu (7), rezultadu manán rua (2), impata ida (1) no derrota jogu sia (9).
Jornalista: Natalino Belo
Editór: Xisto Freitas da Piedade
