KOVALIMA, 09 Fevereiru 2026 (TATOLI) – Servisu Saúde Munisipál (SSM) Kovalima, daudaun-ne’e kontinua halo rejistu ba pasiente ne’ebé mak sofre moras dengue iha Munisípiu Kovalima na’in-30 ne’ebé mai husi postu Administrativu Suai, Maucatar no Zumalai.
“ Tuir dadus hahú loron 1 Janeiru to’o Fevereiru ne’e ita rejista ona pasiente hamutuk na’in-30 hafoin ita rejista hala’o kedas atividade prevensaun ba moras dengue liuhsui fahe ai-moruk abate no halo fumigasaun ba komunidade sira nia uma, ” Diretór Servisu Saúde Munisipál (SSM) Kovalima, Domingos Sequeira relata dadus ne’e ba Tatoli iha resintu AMC.
Ho kazu dengue ne’ebé sirsa resjita halo ona intervensaun no pasiente na’in-30 ne’ebé pozitivu dengue baixa iha ospitál fererál Suai, daudaun balun rekoperadu ona, na’in-tolu maka sei baixa iha ospitál.
Relasiona kazu dengue, nia fó hanoin ba komunidade sira bainhira bee nalihun iha roda aat no lata aat sira ida-idak presiza hamoos, nune’e labele kria susuk nia fatin no bele prevene aan husi moras dengue.
“ Se ita la hamos ita nia ambiente hanesan roda aat, kalen aat no la hamoos bee nalihun la hamoos halo susuk buras, nune’e moras dengue sei la husik ita.Ita hakarak livre husik moras dengue importante ita tenke hamoos ita-nia ambiente,” nia fó hanoin.
Sintoma husi moras sengue maka hanesan,ulun moras grave, moras iha matan laran, moras grave iha uat ho ligasaun no laran sa’e no sitoma seluk maka hanesan kabun moras,muta raan.
Notisia relevante: Governu-OMS diskute kazu dengue ne’ebé sa’e maka’as iha TL
Jornalista: Celestina Teles
Editór: Florencio Miranda Ximenes
