DILI, 20 Fevereiru 2026 (TATOLI)—Partidu Kongresu Nasionál Rekonstrusaun Timorense (CNRT, sigla portugés) sei realiza kongresu no konferénsia nasionál iha tinan ne’e hodi prepara ba eleisaun prezidensiál iha tinan 2027.
Vise-Prezidente Partidu CNRT, Virgílio Smith, hateten kongresu ne’e regra ne’ebé partidu hotu-hotu tenke kumpre, tan ne’e CNRT preparadu ona atu halo konferénsia munispál no kongresu nasionál tanba antes kongresu nasionál tenke rejusta husi baze mak munisípiu sira.
“Tanba 2027 la kleur ona, entaun 2026 periódu ida tenke hala’o atividade ka kongresu nasionál ne’e,” Nia hateten ba Agência Tatoli iha resintu Parlamentu Nasionál, ohin.
Nia dehan, CNRT preparadu atu hasoru eleisaun prezidensiál iha tinan 2027 no eleisaun sira seluk.
Antes ne’e, Prezidente Komisaun Nasionál Eleisaun (CNE), José Agostinho da Costa Belo, husu partidu sira atu realiza konferiénsia no kongresu nasionál iha tinan ne’e tanba Lei Partidu Polítiku mak ezije antes hasoru eleisaun prezidensiál iha 2027.
Notísia Relevante: CNE solisita ba partidu polítiku sira halo kongresu atu hasoru eleisaun prezidensiál
Jornalista : Nelson de Sousa
Editora : Maria Auxiliadora
