KOVALIMA, 23 Fevereiru 2026 (TATOLI)- Diresaun Nasionál Transporte Terrestre (DNTT), akompaña husi Diresaun Transporte Kovalima fó teste prátika ba ema na’in-60 atu hetan karta kondusaun.
“Ohin, foin hahú teste prátika ba kliente na’in-60 atu hetan karta kondusaun,” Diretór Transporte no Komunikasaun Munisípiu Kovalima, Joaquim Gusmão ba jornalista sira iha kampu Suai Loro, ohin.
Diresaun ne’e fó teste prátika hahú iha loron 18 to’o 21 Fevereiru no teste ne’e ba kliente sira ne’ebé selu ona iha banku hodi hetan karta kondusaun.
Tuir dadus husi DTK Kovalima hatudu kliente rejistadu sidadaun hamutuk 2.200 husi númeru ne’e 700-resin mak tuir ona ona teste eskrita.
Iha fatin hanesan, Komunidade Natalino do Carmo, sente kontente tanba bele tuir ona teste prátika atu hetan karta kondusaun
“Ita hanesan timor-oan bainhira uza transporte tenke Iha karta kondusaun, nune’e ita bele iha koñesimentu kona-ba sinál tránzitu,” nia agardese.
Notísia relevante:DTK Kovalima hahú teste eskrita ba ema 60 hodi hetan karta kondusaun
Jornalista: Celestina Teles
Editór:Florencio Miranda Ximenes
