DILI, 23 Fevereiru 2026 (TATOLI)—Ekipa Emanuel Football Club (FC) hakat bá finál Tasa Liga Federasaun Futeból Timor-Leste (FFTL) 2025 hafoin susesu gaña billete husi Portu Taibessi ho skor 0-1 iha Estádiu Munisipál Dili, Sábadu (21/02/2026).
Golu úniku Emanuel FC nian rezulta husi jogadór Angenuku Viegas iha minutu 45+7. Emanuel FC rasik iha kompetisaun Tasa Liga FFTL reprezenta husi Grupu A iha-ne’ebé susesu dudu sees ekipa forte seluk AD SLB iha faze kualifikasaun grupu no kontinua kontra Portu Taibessi husi Grupu C iha meiu finál.
Notísia relevante: Emanuel FC mehi golu dahuluk bainhira kontra Portu Taibessi
Entretantu, iha finál, Emanuel FC sei kontra entre Karketu Dili FC ka Assalam FC ne’ebé ekipa rua sei determina destinu iha jogu ikus volta daruak iha Estádiu Munisipál Dili, Segunda (23/02/2026).
Jornalista: Natalino Belo
Editór: Xisto Freitas da Piedade
