KOVALIMA, 23 Fevereiru 2026 (TATOLI)- Inspesaun Jerál Traballu Munisípiu Kovalima (IJT), hahú Janeiru to’o Dezembru iha tinan-2025, konsege rekolla reseita $25.930 ba Kofre Estadu.
Inspetór Jerál Traballu Rejionál Munisípiu Kovalima, Gabriel Gusmão, inforama katak IJT rekolla reseita ho fonte orsamentu mai husi empreza lokál, nasionál no internasionál ne’ebé viola lei traballu.
“Iha tinan-2025, ami husi IJT Kovalima rekolla reseita $25.930 ba Kofre Estadu, ne’ebé nia fonte orsamentu mai husi empreza sira viola lei traballu hanesan traballadór la uza ekipamentu pesoál, komete kontratu ba traballadór, la selu saláriu desimu terseiru ba trabaladór no seluk tan,” Inspetór Jerál Traballu Kovalima ne’e, relata dadus ne’e ba TATOLI iha Bairru Kosta.
Notísia relevante:2025, IJT Kovalima identifika empreza 36 viola lei traballu
Jornalista: Celestina Teles
Editór:Florencio Miranda Ximenes.
