KOVALIMA, 26 Fevereiru 2026 (TATOLI)- Autoridade Kovalima liuhusi Sekretáriu Asuntu Sosiál, Filomeno Cardoso, hamutuk ho Autoridade Protesaun Sivil (APC-Sigla Portugés), distribui nesesidade bázika ba família vítima dezastre naturál hamutuk 85 iha Suku Beco,Postu Administrativu Suai Munisípiu Kovalima.
“Ha’u hato’o agradese ba komisaun risku dezastre naturál tanbs tuun direta hodi distribui nesesidade bázika hanesan ai-han ho la’os ai-han ba vítima dezastre naturál uma-kain hamutuk 58,” Autoridade Kovalima,Filomeno Cardoso hato’o iha Suku Beco-Kovalima, ohin.
Autoridade Kovalima ne’e dehan,Autoridade sei distribui nesesidade bázika ba família vítima na’in-58 ba sira ne’ebé mak seidauk simu ida-ne’e jestaun husi xefe Suku nune’e sira bele hetan hotu.
Ba família vítima inundasaun ne’ebé seidauk hetan, Autoridade Kovalima ne’e, husu ba Xefe Aldeia no Xefe Suku atu halo identifikasaun hodi hatama lista naran hodi bele hetan apoia.
Iha fatin hanesan, Komandante Operasaun APC Kovalima, Celestino Afonso, reforsa bazeia ba dadus ne’ebé iha katak uma-kain 58 mak hetan inundasaun iha loron sesta semana kotuk.
“Ami rona informasaun liuhusi telefone husi Xefe Aldeia iha momentu ne’e ha’u ho ekipa tun direta tanba haree ba fatin ne’e risku ba dezastre naturál,” nia relata.
Notísia relevante:Autoridade Kovalima fó apoia emerjénsia ba família vítima dezastre naturál 260
Jornalista: Celestina Teles
Editór:Florencio Miranda Ximenes.
