DILI, 26 Fevereiru 2026 (TATOLI)—Reprezentante Organizasaun Mundiál Saude iha Timor-Leste, Arvind Mathur hateten, kazu dengue ne’ebé mak kada loron aumenta ba bebeik mak OMS rekomenda ba eskola sira iha Timor-Leste tenke sai fatin seguru hodi proteje estudante sira livre husi moras dengue.
“Eskola sira tenke sai fatin ne’ebé seguru ba estudante sira, tda-ne’e signifika bele proteje sira husi dengue mós. Moras dengue da’et lalais no fatin sira-ne’ebé nakonu ho ema hanesan eskola sira bele sai hanesan fatin ne’ebé fasil ba dengue atu da’et. Maibé ho medida sira-ne’ebé loos, ita bele hapara infesaun molok nia hahú,” refere komunikadu ne’ebé Agência TATOLI asesu ohin.
Nia haktuir, hahú husi saladeaula to’o kantina sira no mós área hotu importante sira asaun kiik ne’ebé mak ho konsistente bele halo diferensa, nune’e mantein estudante sira ho seguru.
“Husi saladeaula sira to’o kantina sira, área hotu-hotu importante. Asaun kiik sira-ne’ebé halo ho konsistente bele halo diferensa boot ida hodi mantein estudante sira seguru nafatin,” nia dehan.
Jornalista : Felicidade Ximenes
Editór : Cancio Ximenes
