DILI, 27 Fevereiru 2026 (TATOLI)—Diretór Nasionál Servisu Ambulánsia no Emeréensia Médikamentu, Simplicio Amaral, hateten Ministériu Saúde entrega karreta ambulánsia multifunsaun ida (1) ba iha Munisípiu Ermera.
“Horisehik ita entrega ona karreta ambulánsia multifunsaun ida ba Autoridade Munisípiu Ermera, tanba ami simu orentasaun rápida husi Ministra Saúde, entaun ha’u ho ekipa dezloka kedas ba iha Munisípiu Ermera hodi entrega karreta multifunsaun ba Presidente Autoridade Munisípiu Ermera,” Simplicio Amaral informa ba jornalista sira, iha Aeroportu Internasionál Nicolau Lobato, ohin.
Nia esplika, karreta ambulánsia multifunsaun ne’e rasik koloka ba sentru saúde Railaku, hodi tula pasiente sira-ne’ebé mak ho kondisaun moras.
Iha sorin seluk, Prezidente Autoridade Munisipal Ermera (PAM), José Martinho dos Santos Soares, hateten Autoridade no Povu Munisípiu Ermera nia naran hato’o agradesimentu ba Ministra Saúde ne’ebe mak fo apoiu Multifunsaun ida mai Povu Ermera>
Karreta ambulánsia multifunsaun ne’e importante tebes ba Postu Saúde sira, servisu iha Postu sira lao di’ak atu bele atinje objetivu povu Saúdevel iha Futuru.
Jornalista : Felicidade Ximenes
Editór : Cancio Ximenes
