DILI, 02 Marsu 2026 (TATOLI ) – Folin mina-rai nian sa’e liu pursentu 8 aas liu iha fulan hirak nia laran iha Segunda-feira, 2 Marsu bainhira Iraun no Izraél aumenta atake sira iha Médiu Oriente, estraga ró-ahi no perturba aremesa sira hosi rejiaun produtór prinsipál.
Futuru petróleu brutu Brent atinje aas liu $82.37 ba barríl ida no iha $79.34, sa’e $6.47, ka pursentu 8.88, iha tuku 11.05 kalan GMT (Segunda, tuku 7.05 dadeer, oras Singapura nian).
Petróleu brutu Intermediáriu Texas Oeste EUA nian sa’e maka’as $5.36, ka pursentu 8, ba $72.38 barril ida hafoin atinje aas liu $75.33 antes.
Izraél lansa ona onda foun ida hosi atake sira hasoru Teeraun iha Domingu, no Iraun hatán ho barrajen misil sira seluk, loron ida hafoin oho Líder Supremu Ali Khamenei ne’ebé tau Médiu Oriente no ekonomia globál iha inserteza ne’ebé kle’an liután.
Pelumenus ró-ahi tolu hetan estragu iha kosta Golfu nian no mariñeiru ida mate tanba retaliasaun iranianu ba atake norte-amerikanu no Izraélita sira ne’ebé halo ró sira hetan estragu kolaterál, hatete hosi fonte sira no ofisiál sira ró nian iha loron-domingu.
Maioria na’in ba ró-ahi sira, empreza prinsipál petróleu nian no komérsiu sira suspende ona aremesa sira petróleu brutu, kombustível no gás naturál likidu liuhosi Estreitu Ormuz (Selat Hormus) nian, hatete hosi fonte komersiál sira, hafoin Teeraun fó avizu ba ró atu labele la’o liuhosi Estreitu Ormus. Liu pursentu 20 hosi mina-rai mundiál maka liuhosi Estreitu Ormuz nian.
Enkuantu infraestrutura alternativa balun bele uza hodi ultrapasa Estreitu Ormuz, impaktu líkidu hosi nia taka sei sai hanesan lakon ida hosi fornesimentu petróleu brutu millaun 8 to’o millaun 10 kada loron, maske hafoin desvia tiha fluxu balun liuhosi gazodutu Leste-Oeste Arábia Saudita nian no gazodutu Abu Dhabi nian, hatete hosi ekonomista enerjétiku Rystad Jorgedon.
Notísia relevante: Konfirmadu husi Mídia Estatál, Líder Supremu Iraun mate ona
