KOVALIMA, 02 Marsu 2026 (TATOLI)- Servisu Munisipál Saúde (SMS), Kovalima dadaun-ne’e kontinua halo rejista ba pasiente ne’ebé sofre moras dengue, iha Munisípiu Kovalima na’in-86.
“Bazeia ba dadus ne’ebé mak iha dadaun-ne’e pasiente sa’e ona 86 ne’ebé haree sira nia kondisaun ladun grave nune’e balun baixa hela no balun fila ona ba uma tanba nia saúde rekopera ona”, Diretór Servisu Munisipál Saúde Kovalima, Domingos Sequeira, relata dadus ne’e ba TATOLI iha resintu AMC.
Daudaun ne’e, pasiente na’in-6 mak baixa hela iha Ospitál referál Suai no pasiente seluk ne’e hetan rekuperadu ona.
Tanba ne’e, ekipa Saúde Kovalima halo ona intervensaun hodi halo fumigasaun no fahe ai-moruk abate, nune’e halo prevensaun ba moras dengue.
Kazu dengue rejista hamutuk 86 maioria mai husi postu administrativu Suai no husi postu Administrativu Maucatar mak barak liu.
Dirijente Saúde husu ba komunidade sira atu kontinua ambiente hanesan bee nalihun, roda aat, kalen aat no seluk tan mak hamosu susuk nune’e bele lori moras dengue. Moras dengue maibé husi susuk tata sidadaun sira.
Sintoma moras dengue mak hanesan,ulun moras grave, moras iha matan laran, moras grave iha uat ho ligasaun ho laran sa’e no sistoma seluk maka hanesan kabun moras no muta ran.
Jornalista:Celestina Teles
Editór:Florencio Miranda Ximenes
