KOVALIMA, 04 Marsu 2026 (TATOLI)- Programa Nasionál Dezenvolvimentu Suku (PNDS), Iha 2025 ne’e la konsege finaliza projetu tolu iha Munisípiu Kovalima.
Tipu Projetu tolu ne’ebé mak seidauk finaliza iha 2025 hanesan projetu ba setór obra Públiku, edukasaun konstruisaun rezidénsia ba profesór no profesora, no dada bee-moos ba komunidade sira.
“Liga ba rezultadu servisu PNDS iha 2025 ne’e implementa projetu 31 husi númeru ne’e ita finaliza deit projetu 28 no projetu 3 mak la konsege finaliza”, Diretór Servisu Munisipál Apoiu PNDS, Munisípiu Kovalima, Pedro de Araújo Gomes, dehan ba jornalista sira, iha salaun AMC.
Dirijente PNDS ne’e, dehan projetu tolu ne’ebé mak seidauk finaliza ne’e implementa iha suku Beiseuk, Postu administrativu Tilomar, iha suku Holpilat, Postu Maucatar no postu Fatumea iha suku Belulik Leten.
Razaun la konsege finaliza Projetu tolu tanba falta liña koordenasaun entre autoridade komunitária. Tanba implementasaun projetu PNDS nain mak lidér komunitária baihira liña koordenadaun la di’ak fó impaktu ba implementasaun projetu PNDS no fó fila orsamentu
“Ita garante projetu tolu sei finaliza. Nune’e iha 2025 ne’e osan ne’ebé mak ita devolve ba iha kofre Estadu mak hamutuk iha $73.612 ,24, husi orsamentu $1,45 ,713”. nia dehan.
Jornalista :Celestina Teles
Editór :Florencio Miranda Ximenes
