APC Kovalima rejista vítima dezastre naturál hamutuk 140
KOVALIMA, 05 Marsu 2026 (TATOLI)- Autoridade Protesaun Sivíl (APC-sigla Portugués), hahú Janeiru to’o Marsu ne’e rejista ona vítima dezastre naturál hamutuk 140.
“ Hahú Janeiru to’o Marsu 2026 ne’e rejista ona vítima dezastre naturál hamutuk 140”, Komandante APC Munisípiu Kovalima, Celestino Afonso Ferreira relata dadus ne’e ba jornalista iha Santa Rosa.
Tipu dezastre ne’ebé akontese iha Munisípiu Kovalima mak hanesan,anin sobu uma, ahi han uma no rai halai no inundasaun ne’ebé hetan ona apoiu emerjénsia ho tipu dezastre estragu totál,aat natoon no aat kmaan.
Bazeia despaixu ne’ebé mak APC Kovalima katak vitima dezastre naturál maoria mai husi postu administrativu Suai, Fatumea ,Fatululik, Fohorem no Maucatar. APC kontinua apela ba komunidade hadook husi fatin risku sira tanba ameasa ba vida.
Notisia relevante: APC lansa sentru akollamentu ba resposta dezastre naturál iha Uma-Boot
Jornalista:Celestina Teles
Editór:Florencio Miranda Ximenes
