PDHJ Oekusi rejista keixa tolu husi Janeiru to’o Fevereiru 2026
OEKUSI, 10 Marsu 2026 (TATOLI) – Durante fulan rua, Janeiru to’o Fevereiru 2026 ne’e, Provedória Direitu Umanu no Justisa (PDHJ) Delegasaun Territoriál Rejiaun Administrativa Espesiál Oekusi Ambeno (RAEOA) rejista kazu kazu rua
“Ita simu keixa husi sidadaun sira hamutuk tolu iha fulan rua ne’e, keixa ida anonímu keixa rua mai husi komunidade sira ba direita iha edifisíu PDHJ Oekusi,”Diretór PDHJ Oekusi, Bartolomeo Gonçalves, informa ba jornalista sira iha Oekusi, ohin.
Nia esplika, husi kazu tolu ne’e, parte PDHJ seidauk pronúnsia katak tama kategória violasaun, tanba keixa tolu ne’e sei halo prosesu investigasaun, mak foin indika bele tama ba violasaun direitu umanu ou boa-governasaun.
Notísia relevante:PDHJ Oekusi aprezenta preokupasaun haat ba Komisaun A PN
Autoridade PDHJ ne’e, lembra katak, iha 2025 ekipa PDHJ) konsege rejista keixa sia (9) ho indikasaun forte kona-ba violasaun boa-governasaun no violasaun direitu umanu.
Ne’ebé aprezenta husi komunidade hasoru autoridade públiku, iha indikasaun ba violasaun direitu umanu haat (4) no indikasaun ba violasaun boa-governasaun ne’e lima (5).
Notísia relevante:PDHJ seidauk anúnsia rezultadu averiguasaun prosesu fornesimentu karau iha Oekusi
Jornalista: Abílio Elo Nini
Editór: Rafael Ximenes de A. Belo
