KOVALIMA,17 Marsu 2026 (TATOLI)- Prezidente Autoridade Munisípiu (PAM), Kovalima, Miguel Armada Cardoso, halo enkontru no asina akordu ho família afetadu ba avaliasaun perfurasaun mina posu Feto Kmaus II, ne’ebé lokaliza iha Aldeia Tabakolot, Postu Suai Munisípiu Kovalima.
Autoridade Kovalima hala’o reuniaun ba datoluk tanba reuniaun ba dahuluk halo indentifikadu fatin ne’ebé mak EmprezaTimor Resources halo avaliasaun perfurasaun Mina Feto Kmaus II ba daruak husu komunidade nia hanoin.
“Ohin, reuniaun importante hodi rona komunidade afetadu hanoin atu halo pagamentu ba família afetadu avaliasaun perfurasaun mina feto Kmaus II ba rai, ai-horis, no uma ba família afetadu sira liuhusi identifikassun”, Autoridade Kovalima hato’o ba jornalista sira hafoin enkontru ho família afetadu iha salaun Interna AMC, ohin.
Bazeia ba identifikasaun atu halo avalisaun perfurasaun mina Feto Kmaus II afeta ba família uma-kain hitu.
“Tuir identifika ne’ebé mak ita iha. Ita orienta ba Diresaun Terra no Propriendade parte hodi sukat fali komunidade rai ho valór pagamentu rihun $33, maibé sa’e fali ba rihun $46 atu halo pagamentu ba komunidade afeitadu avaliasaun perfurasaun mina Feto Kmaus II”, nia afirma.
Tuir dadus, família afetadu avaliasaun perfurasaun mina Feto Kmaus II hamutuk hitu husi númeru ne’e família afetadu uma-kain lima mak aseita Governu atu selu indeminizasaun, maibé uma -kain rua la aseita Governu indeminiza maibé hakarak oferese fali rai Estadu ba família vítima na’in-rua.
“Família na’in-rua lakohi simu indeminizasaun husi Governu tanba sira dehan ami laiha rai presiza Governu nia tulun, nune’e rai troka ho rai Autoridade Kovalima liuhusi Terra propriedade atu haree rai hodi atribui ba família na’in-rua sira seluk konkorda no asina ona”, nia afirma.
Iha fatin hanesan, Oan husi família afetadu ba rai, Alcino Perreira, dehan prontu atu kontribui maibé nia parte la aseita Governu fó indeminizasaun, nune’e presiza Governu buka rai atu atribui fali ba nia-parte atu hela.
“Ami nia rai Empreza Timor Resources atu rai de’it ekipamentu Governu liuhusi PAM atividade atu la’o ami ni’an mak ne’e rai hodi trola fali rai,” nia dehan.
Jornalista:Celestina Teles
Editór: Florencio Miranda Ximenes
