KOVALIMA, 19 Marsu 2026 (TATOLI)- Sekretáriu Estadu Formasaun Profisionál no Empregu (SEFOPE) Kovalima husu kandidatu traballadór Austrália ne’ebé finaliza ona kursu iha sentru formasaun Lakonak atu kontinua estuda dalén inglés.
Razaun kontinua estuda dalén inglés tanba atu ba servisu iha Austrália empreza rasik mak halo teste entrevista direta.
“Sidadaun ne’ebé tuir formasaun lian inglés iha SEFOPE sira nia valór pool ho verry pool ne’ebé ba etapa dahuluk hetan ona númeru referénsia hodi hein empreza bolu no hili sira”, Diretór SEFOPE Kovalima, Stefanus Segundu Manek informa ba jornalista iha SEFOPE Tabakolok-Suai, ohin.
SEFOPE la kria kampu traballu ba joven sira maibé fasilita de’it joven-sira atu ba servisu iha rai liur hanesan Korea, Austrália no nasaun sira seluk.
“Ita prontu kontinua fasilita formasaun ba joven-sira tanba ita nia sentru formasaun iha lakonak atu fasilita formasaun ne’ebé too etapa ba dahaat ona bainhira númeru la too sei loke oportunidade ba públiku sira maibé sira nia naran SEFOPE sei la rejista iha sistema”, nia dehan.
Jornalista:Celestina Teles
Editór: Florencio Miranda Ximenes
