DILI, 25 Marsu 2026 (TATOLI)–Atuál Komandante Komandu Operasaun Nasionál Polísia Nasionál Timor-Leste (PNTL), Komisáriu Asistente Polísia Afonso dos Santos prontu serví instituisaun ba mandatu tinan-tolu (2026-2029).
“Nomeasaun ida-ne’e ha’u hanoin Governu fiar ha’u, nomea ha’u mós prontu atu servisu, prontu atu dezenvolve PNTL. Yang penting la’o di’ak, buat ida hadi’a ne’e prontu,” Komisáriu Asistente Afonso dos hateten ba Ajénsia TATOLI, via telefónika, Kuarta ne’e.
Iha sorin seluk, la dúvida ho nia Segundu Komandante Jerál PNTL Komisária Asistente Polísia Natercia Eufrasia Soares Martins.
“Ohhh.. ne’e kapás tebes, la’ós foin agora, ha’u mós presiza tanba maizumenus feto hanesan nia iha kapasidade atu halo’o buat barak, to’o ne’e de’it depois ita haree,” nia akresenta.
Notísia relevante : Ofisiál superiór PNTL na’in-62 promovidu, Xanana enfatiza servisu profisionál no dedikasaun
Komandante Afonso daudaun ne’e labele ko’alia saida maka nia atu halo hafoin hetan nomeasaun husi Governu, hahú ohin no ba mandatu tinan-tolu.
“Agora ha’u seidauk ko’alia, depois mak ita ko’alia. Pois mak ita haree, promosaun halo nusa, depois mak ita ko’alia,” nia tenik.
Ho nomeasaun Komisáriu Asistente Polísia Afonso dos Santos no Segundu Komandante Komisáriu Asistente Polísia Natercia Eufrasia Soares Martins sei troka atuál Komandante Jerál PNTL Komisáriu Jerál Polísia Henrique da Costa no Segundu Komandante PNTL Komisáriu Pedro Belo ba mandatu tinan-tolu.
Jornalista : Natalino Costa
Editora : Julia Chatarina
