DILI, 23 Abríl 2026 (TATOLI)—Embaixadora Estraordinária Timor-Leste iha Béljika, Maria de Lourdes Bessa, kinta ne’e, halo enkontru ho Primeiru-Ministru, Kay Rala Xanana Gusmão, hodi atualiza servisu no situasaun atuál iha Béljika, hafoin akontese funu iha médiu oriente.
“Ohin, ha’u mai hasoru malu ho Primeiru-Ministru, hodi informa kona-ba situasaun polítika no kontestu atuál iha Bruselas ne’ebé ligadu ho situasau funu iha médiu oriente. Ha’u mós atualia situasaun servisu embaixada nian iha ne’ebá,” Embaixadora Maria de Lurdes Bessa informa ba jornalista sira iha Palásiu Governu, ohin.
Funu médiu oriente impaktu ba presu kombustível
Nune’e situasaun husi funu iha médiu oriente movimentasaun normál maibé difikuldade ba presu mina no sásan nesesidade bázika (sembako) sira.
Orgaun diplomata ne’e afirma, daudaun ne’e Timor-Leste asume hela Prezidénsia CPLP, nune’e iha ne’ebá mós sira halo servisu hamutuk ho nasaun membru CPLP. Aleinde ne’e embaixada mós koordena hela ho grupu pásifiku na organizasaun Áfrika Karibras no pásifiku, tanba hahú iha fulan-Jullu to’o Dezembru, embaixada TL sei halo kna’ar hanesan koordena grupu embaixadór ASEAN nian durante fulan neen.
“Entaun, husi servisu sira-ne’e hotu mak ha’u lori mai hato’o ba Xefe Governu hodi halo segimentu ba orientasaun ne’ebé husi Governu fó mai ha’u. Ohin, mós ha’u hasoru ona Vise MNEK no ha’u sei iha enkontru ho sira seluk ba ita-nia preparasaun ba koordenasaun servisu iha CPLP, Pásifik no ASEAN,” nia dehan.
Nia hatutan, iha enkontru ne’e nia mós relata katak Governu Alemaña sei fó konvite ida ba PM, iha tinan oin sira sei mai halo investimentu esterna iha TL ba área potensiál hanesan enérjia renovavel, dijitál inklui seluk tan no fulan-Outobru delegasaun sira sei mai kompostu husi membru parlamentus no emprezáriu sira.
Jornalista : Alexandra da Costa
Editór : Cancio Ximenes
