Ministru Tomas Cabral esklarese: Estatutu ZEEDOA la eziste ona
OEKUSI, 28 Abríl 2026 (TATOLI) – Ministru Administrasaun Estatál (MAE), Tomas do Rosário Cabral, esklarese kona-ba estatutu kriasaun Zona Ekonomia Espesiál Dezenvolvimentu Oekusi Ambenu (ZEEDOA), la eziste ona iha Rejiaun Administrativa Espesiál Oekusi Ambeno (RAEOA).
“Dekretu-lei númeru 2/2026 kuandu sai, automatikamente Dekretu-lei uluk ne’e lakon tiha ona, agora rezolusaun Governu ne’e afiksa ba serbisu rejionál sira iha Fundu Dezenvolvimentu Espesiál (FED), ne’e mak hanesan ZEESM ne’e,” nia hateten ba jornalista sira iha salaun Alfándega Palaban, ohin.
Notísia relevante:Herculano Sousa ‘dúvida’ Governu ezonera estrutura RAEOA la inklui ZEEDOA
Maibé, nia dehan, ZEESM seidauk iha Fundu Dezenvolvimentu Espesiál Oekusi, sei implementa ho regulamentu proópríu ba fundu ne’e.
Notísia relevante:ZEEDOA ‘submete’ ona relatóriu ba PA RAEOA ho rekomendasaun ida
Jornalista: Abílio Elo Nini
Editór: Rafael Ximenes de A. Belo
