PR Ramos-Horta vizita família vítima ne’ebé mota lori iha suku Matai
KOVALIMA, 28 Abríl 2026 (TATOLI)- Prezidente Repúblika, José Ramos Horta, akompaña Sekretáriu Estadu Protesaun Sivil hamutuk ho Autoridade Kovalima vizita família matebian ne’ebé hakotu nia pregrinasaun moris tanba mota karau ulun lori iha sábadu loron 24 Abríl ne’e.
Xefe Estadu hamutuk ho ho Sekretáriu Estadu Protesaun Sivil ho elikopteru marka 9M-WSV, WESTSTAR to’o iha Aeroporto Holbelis iha tuku 2:59. Hafoin tuun husi elikopteru, akompaña husi Autoridade Kovalima presta omenajen ba matebian ne’ebé mota lori iha Aldeia Loho Rai, Suku Matai, postu Maucatar ,hafoin presta omenajen Xefe Estadu kontinua mai iha Suku Suai Loro hodi distribui nesesidade bázika ba família dezastre naturál, iha postu Administrativu Suai,Munisípiu Kovalima.
Mota Karau ulun lori sidadaun na’in-rua ne’e ho naran Alcino Afonso ho idade 54 no nia kaben Maria da Costa 45, mota lori bainhira fila husi toos atu fila ba nia rezidénsia iha aldeia Kiar-Matai iha loron 25 Abril.
Hafoin Simu informasaun ne’ebé ekipa husi KJDM tuun ba terrenu ba iha lokal akontesimentu hodi buka mate isin kazal ne’ebé mota lori.
Hafoin ekipa Konsellu Jestaun Desastre Munisipál (KJDM), hetan matebian na’in-rua ne’e entrega kedas ba família hodi hala’o prosesu funebre tuir kultura postu Maucatar ne’ebé haloot ona iha loron Domingu, 26 Abril foin lalais.
Jornalista:Celestina Teles
Editór: Florencio Miranda Ximenes
