KOVALIMA, 30 Abríl 2026 (TATOLI)- Vise Ministra Solidariedade Sosiál no Inkluzaun, Céu Brites, akompaña husi Prezidente INETL-I.P, Elias dos Santos, Reprezentante WFP, hamutuk ho Autoridade Kovalima hala’o lansamentu ba rejistu Sosiál bolsa da Mãe Kondisionál no Saúde nutrisaun Inan no oan iha munisípiu Kovalima.
“ Governu liuhosi Ministériu Solidariedade Sosiál no Inkluzaun (MSSI) lansa rejistu Sosiál bolsa da mãe kondisionál no saúde nutrisaun inan no oan (sanutri) ,ne’e importante atu ita identifika família vulneravel sira, hahú implementa iha loron 4 Maiu,” Vise Ministra hato’o liuhusi nia diskursu iha salaun EGP, Suai.
Programa rejistu Sosiál ne’e hanesan projetu pilotu implementa iha munisípiu tolu mak hanesan iha Munisípiu Kovalima, RAEOA no Ermera. Razaun implementa rejistu sosial bolsa da Mãe Kondisionál,Saúde nutrisaun inan no oan (Sanutri), bazeia dadus sensus uma kain tinan 2022 hatudu problema kona-bá nutrisaun.
Tuir dadus Prevalénsia Raes-badak no Nivel Inseguransa Aihan (Tuir klasifikasaun IPC – Integrated Food Security Phase Classification- Klasifikasaun Faze Seguransa Aihan Integradu) haree husi kada munisípiu hanesan munisípiu Kovalima stunting 49%,Ermera Stunting ,63,4% no RAEOA Stunting 57,1%
“Durante implementasaun ita sei haree bainhira la’o susesu ita sei kontinua implementa iha munisípiu sira seluk maibé depende mós orsamentu,” nia afirma.
Molok hala’o lansamentu fasilita formasaun ba enumeradór, supervizór no koordenadór sira importante, nune’e rekolla dadus ho transparente, efikaz no respeita privasidade no iha konfidensialidade
Razaun implementa programa atu hatene moris komunidade sira implementa programa rejistu sosial bazeia ba intrumentu PMSI ho tableta
Total enumeradór husi munisípiu tolu Hamutuk 526 ,supervizór 62, husi númeru enumeradór husi munisípiu Ermera 239,supervizór 28,iha Kovalima enumeradór 128 no supervizór 16,no Husi RAEOA Enumeradór 159 no supervizór 18.
Orsamentu implementasaun programa rekolla dadus 558,217,mai husi parseiru sira apoiu husi ADB liuhusi WFP rihun $ 235 no husi MSSI $ 323,217
Objetivu atu identifika uma lain ne’ebé vulneravel sira ne’ebé mak vulneravel atu implementa programa MSSI Munisípiu tolu tanba bazeia dadus sensus uma kain iha 2022 katak
Iha fatin hanesan, Prezidente INETL-I.P, Elias dos Santos, enkorra Enumeradór sira atu rekolla dadus iha suku ho loloos tanba atu halo analiza hodi halo planu ne’ebé di’ak ba povu.
“Ita boot sira koleta dadus ho di’ak iha ita-boot sira-nia suku tanba dadus ne’ebé ita-boot sira koleta importante hodi halo analiza nune’e nia rezultadu atu fó ba ita-nia nai ulun sira atu halo planu di’ak ba bemstar ita nia povu”, nia enkoraja.
Atu koleta dadus fahe ona ba ekipa supervizór no entrevistadór bainhira kolekta ona dadus bainhira asuntu balun la komprende iha ekipa husu atu ajuda malu, nune’e bele rezolve.
Tuir dadus enumeradór 128,supervizór 17,no motorista 8 no koordenadór 7 hodi rekolla dadus programa bolsa da Mãe Kondisionál Saúde nutrisaun inan no oan.
Entretantu, Reprezentante Prezidente Autoridade Kovalima, Sergio da Cunha, dehan lansamentu rejistu sosiál ne’e importante tanba molok atu hala’o servisu enumeradór no supervizór tuir ona ona formasaun.
“ Ha’u agradese ba ita bo’ot sira tanba forma ona ekipa sira atu tun ba foti dadus, husu kuidadu ema nia privasidade bainhira foti dadus no asegura ema nia konfidensialidade, tanba ita boot sira hatene saida mak rejistu sosial no oinsa mak atu rekolla dadus ba família vulnerável”, nia fó hanoin
Jornalista:Celestina Teles
Editór: Florencio Miranda Ximenes
