DILI, 07 Maiu 2026 (TATOLI)—Reabilitasaun edifísiu Supremu Tribunál Justisa ne’ebé lokaliza iha resintu Tribunál Dili iha Kolmera daudaun atinje ona pursentu 70.
Prezidente Tribunál Rekursu, Afonso Carmona, hateten, nia parte iha Fulan-Maiu nia laran sei hato’o progresu ba preparasaun instalasaun Supremu Tribunál Justisa ba Prezidente Repúblika José Ramos-Horta, tanba Xefe Estadu hakarak iha loron 20 Maiu agora pelu menus instalasaun iha ona ka to’o Novembru instaladu ona.
Notísia relevante : Governu prepara rekursu umanu molok instala Supremu Tribunal Justisa
“Kona-ba progresu reabilitasaun tuan hodi instala fali Supremu Tribunál ne’e ha’u bele dehan nia progresu atinje ona pursentu 70,” Carmona hato’o ba Jornalista sira iha Tribunál Rekursu, Kinta ne’e.
Reabilitasaun no instalasaun iha edifísiu Supremu Tribunál Justisa hamutuk $70.000.
Jornalista : Natalino Costa
Editora : Julia Chatarina
