KOVALIMA, 08 Maiu 2026 (TATOLI)- Sentru Solidariedade Sosiál no Inkluzaun Munisípiu Kovalima fó prióridade ba inplementasaun programa dezenvolvimentu instituisionál no Inkluzaun Sosiál.
“Programa prioridade dezenvolvimentu instituisionál no Inkluzaun Sosiál ho Sub programa mak asisténsia umanitaria ba ita nia maluk vulnerável, instituisaun Sosiál, vitima violénsia bazeia Jéneru, abandona labarik sira, ba inan-faluk sira no ema ho defisiénsia (EhD)”,Diretór Sentru Solidariedade Sosiál munisípiu Kovalima, Agapito Asis Cardoso aprezenta dadus ne’e, iha AMC.
Sub Programa asisténsia Sosiál sentru Sosiál Kovalima prioridade durante fulan-tolu distribui ona foos saka ho totál foos saka hamutuk 732 ba benefisiáriu hamutuk 1,226 kompostu husi feto 759 no mane 471.
Daudaun-ne’e stock foos iha armajen Sentru Solidariedade Sosiál no Inkluzaun Kovalima hamutuk 437 husi númeru stock foos tinan 2025 hamutuk saka 182 no husi tinan 2026 stock foos saka hamutuk 262.
“ Ho stock foos ne’ebé mak iha ita presiza halo jestaun ne’ebé di’ak, nune’e bele asegura kualidade foos di’ak hodi distribui foos ba família vulnerável. Atu garante kualidade foos iha armajen ita presiza fó kapasitasaun ita-nia funsionáriu iha armajen no CSSI ,la’os la’o mesak, maibé servisu hamutuk ho ita nia parseiru sira”nia dehan.
Kona-bá protesaun ba labarik ita mós iha dekretu-lei númeru 6/2023 ,1 , Marsu , sentru Solidariedade Sosiál hala’o hela sosializasaun ba komunidade sira atu projetu labarik risku no perigu fó asisténsia umanitària ba labarik sira no ba oan kiak.
Asuntu EhD CSSI Kovalima nafatin halo koordenasaun ho autoridade no instituisaun relevante oinsá atu halo atendementu ba EhD apoiu kadeira roda,direitu ba subsídiu no seluk tan
Tuir dadus funsionáriu ne’ebé presta servisu iha CSSI hamutuk 38 husi númeru ne’e feto 19 no mane 19,kompostu husi funsionáriu permanente ajente no kazoal
Jornalista:Celestina Teles
Editór: Florencio Miranda Ximenes
