KOVALIMA, 11 Maiu 2026 (TATOLI)- Sekretáriu Estadu Igualdade ( SEI) fó apoiu fundu ba grupu lima iha munisípiu Kovalima hodi hakiak Animál.
“ Ita fó apoiu ba grupu feto hamutuk lima iha suku Beco Postu Administrativu Suai, Munisípiu Kovalima ne’ebé kada grupu ita fó apoiu osan $1.000”, Pontu Vokál SEI Munisípiu Kovalima, Francisco de Araújo relata dadus ne’e iha AMC-Suai.
Finanseiru ne’ebé mak SEI fó apoiu ba grupu sira halo ona levantamentu hodi hala’o sira nia atividade hanesan haki’ak animál hanesan manu ho fahi.
Prosesu transferénsia mak SEI ba konta bankária Asosiasaun Halibur Feto Koba Lima, hotu tiha mak Asosiasaun halo fali transferénsia ba iha konta bankaria grupu ida ida-idak nian depois mak grupu sira ba direta iha banku hodi foti sira nia orsamentu.
“Grupu sira mós foti ona osan atu sosa sasan tuir proposta ne’ebé mak submete mai. Ho nune’e iha Trimestre ba daruak ami sei ba halo akompaniamentu hodi halo observasaun kona-bá gastu orsamentu tuir proposta supmete mai iha SEI ka la’e “.nia relata.
Jornalista: Celestina Teles
Editór: Florencio Miranda Ximenes
