KOVALIMA, 13 Maiu 2026 (TATOLI)- Autoridade Munisípiu Kovalima liuhusi Servisu Munisipál finaliza ona elaborasaun Planu Asaun Anuál (PAA) hodi propoin Orsamentu Jerál Estadu (OJE) 2027 hamutuk $22,479.720.
Orsamentu 2027 ne’e autoridade Kovalima propoin $22,479.720 95 hodi finansia programa 21 ,sub programa 60 no atividade 113.
“ Durante ne’e, ami halo esforsu hamutuk ho asesór Partisipa ami finaliza ona ho nune’e proposta OJE 2027 $ 22,479.720 95 hodi finansia programa bazeia ba PAA 2027”,Diretór Servisu Munisipál Ajénsia Planiamentu, Afonso Nogueira Nahak aprezenta iha reunian konsellu konsultivu Munisipàl iha salaun AMC.
Autoridade Kovalima propoin orsamentu OJE 2027 $22,479.720 95 fahe ba kategória salariu vensimentu $3.026.568.5 ,bens no servisu no korrente $2.892.168, tranferensia Públiku $ 4,745,878, kapital Menór $ 1.617.060 no kapitál Dezenvolmentu $10.198.046.45.
Iha fatin hanesan, Diretór PNDS,Munisípiu Kovalima,Pedro de Araújo Gomes justifika katak , PNDS propoin OJE 2027 hamutuk $ 232,358.00 hodi finansia programa desentralizasaun administrativa no podér lokál ,sup programa ida no atividade ida.
“ OJE 2027 ba PNDS hamutuk $ 232,358.00 hodi fahe ba saláriu bensimentu $ 68.596.00,bens servisu no korenti $ 108.312.00 no kapitál menór $ 55.420.00 la iha transferénsia públiku”nia dehan.
Jornalista:Celestina Teles
Editór : Florencio Miranda Ximenes
