DILI, 14 Maiu 2026 (TATOLI)—Polísiál Nasionál Timor-Leste (PNTL) liuhusi Diresaun Nasionál Servisu Investigasaun Kriminál hamutuk ho servisu intelijénsia, kinta ne’e, ezekuta mandadu detensaun husi Tribunál Judisiál Primeira Instánsia Dili (TJPID) ho Númeru Úniku Krime (NUK): 0245/25.PDDIL hodi detein arguidu na’in-haat (4).
Arguidu na’in-haat (4) ne’e, antes ne’e, akuzadu ba krime balun maibé to’o Tribunál halo notifikasauun hodi bolu arguidu sira atiu fó nia depoimentu ba iha Tribunál, maibé arguidu sira deside la kumpre notifikasauun referida.
Nune’e, iha Kinta ohin, purvolta tuku 09h00 dadeer, Tribunál hasai mandadu judisiál hodi orienta autoridade seguransa, nune’e polísia koordena kedan servisu intelenjénsia sira lokaliza kedan arguidu na’in-haat (4) nia fatin.
Ho nune’e, autoridade seguransa hamutuk ho servisu intelenjénsia ezekuta mandadu ne’e hodi halo detensaun ba arguidu na’in-haat (4).
Arguidu sira ne’ebé polísia detein mak hanesan arguidu GdS, HCdC TC no NCdS.
Arguidu na’in-haat (4) ne’e, autoridade seguransa foti iha Aldeia Piso-Lete, Suku Lauhata, Postu Administrativu Bazartete, Munisípiu Likisá.
Hafoin autoridade seguransa foti tiha arguidu sira-ne’e iha Likisá transposta kedan mai iha Diresaun Servisu Investigasaun Kriminál Komandu Jerál PNTL Kaikoli, hodi submete ba investigsaun molok halo detensaun ba arguidu sira-ne’e nu’udar detidu iha sela detensaun durante oras 72.
Arguidu sira-nia hahalok ne’e viola artigu 90 alinea A ne’ebé previstu no punidu iha Kódigu Prosesu Penál Timor-Leste.
Tuir interpretasaun iha artigu ne’e katak:
1 – Iha momentu ne’ebé aktu ida hahú, ema-ne’ebé prezide fó justifikasaun ba falta no kondenasaun ba faltozu sira-ne’ebé la hetan justifikasaun, hamutuk ho sansaun prosesuál seluk ne’ebé lei espesiál konsagra, tuir lei prosesuál sivíl.
4 – Iha situasaun sira-ne’ebé la tama iha nº 2 no 3, juíz bele fó ordem atu halo detensaun ba faltozu, durante tempu ne’ebé presiza, hodi halo nia mai aktu prosesuál iha ne’ebé nia falta tiha ona injustifikadamente.
Jornalista : Hortêncio Sanchez
Editór : Cancio Ximenes
