OEKUSI, 22 Maiu 2026 (TATOLI) – Prezidente Asosiasaun Korrida Kavalo Oekusi Ambeno (AKKOA), Mario Muni Salu, rekomenda pontu importante rua ba Autoridade Rejiaun Administrativa Espesiál Oekusi Ambenu (RAEOA) atu hadi’a pista korrida no integra iha Planu Asaun Anuál (PAA) orsamentál kada tinan, nune’e bele sai ajenda permanente ba kompetisaun kuda nian.
“Hakarak hato’o proposta ba Autoridade RAEOA katak, kondisaun kampu seidauk atinje padraun (standard) tuir kompetisaun kuda nian, tanba luta sei aas no aterru seidauk di’ak. Ita haree kuandu kuda halai, ita la konsege haree kuda sira hala’o iha parte loromunu nian, tanba du’ut aas tebes. Segundu, se bele prevee orsamentu ba asosiasaun korrida kavalo Oekusi, nune’e kada tinan sai ona ajenda permanente atu hala’o kompetisaun. Ami husu kontinua nafatin konstrusaun kampu ne’e, nune’e bele di’ak, atu prepara ba futuru bele anima komunidade sira ho kondisaun ida di’ak,” nia hateten iha ámbitu seremónia abertura kompetisaun kuda iha aldeia Noeninen suku Cunha sub-rejiaun Pante Makasar, kinta ne’e.
Notísia relevante:Kuda 57 kompete malu iha Oekusi komemora loron Restaurasaun Independénsia 20 Maiu
ho Autoridade RAEOA, ba futuru bele rekolla mós reseita uitoan ba kofre Estadu liuhusi kompetisaun korrida nian.
“Ami bele selu taxa, maibé presiza kondisaun pista ne’e di’ak, tanba ami asosiasaun responsabilidade boot oinsá atu haki’ak kuda ne’e di’ak, isin kabér treina kapaas, atu bele halai karik iha kampu-laran, hanesan kuda hopu (halai) duni, labele hanesan kuda sa’e nian,” nia hateten.
Notísia relevante:PR Horta sei ko’alia ho Governu atu fó apoiu haki’ak kuda
Hatan ba rekomendasaun ne’e, Sekretáriu Rejionál Asuntu Administrasaun no Finansa, Salvador da Cruz, apresia tanba rekomendasaun sira-ne’e reprezenta kuda na’in-sira, tanba ne’e sei relata iha reuniaun autoridade, nune’e bele konsidera
“Ita hotu hatene, ami foin simu pose iha fulan kotuk, agora daudaun ita foin la’o, ne’ebé ita haree rekomendasaun sira mós mai hudi setór seluk, maibé rekomendasaun sira ohin ne’e, ami konsidera importante tanba ne’e ba kuda nian, entaun ami sei informa ba Prezidente Autoridade liuhusi reuniaun membru autoridade, nune’e bele konsidera ou tau importansia mós ba suntu ne’e,”
Jornalista: Abílio Elo Nini
Editór: Rafael Ximenes de A. Belo
