DILI, 02 Juñu 2026 (TATOLI)—Estádiu Munisipál Dili no adeptu sira mak sasin-matan ba treinadór AD Santo António, Eduardu Pereira, ninia mehi hodi halakon fali ninia klube Ponta Leste ne’ebé uluk nia hamoris ne’e ho rezultadu 4-0.
Notísia Relevante: Eduardo nia fuan iha “Ponta Leste” maibé mehi atu halakon “Ponta Leste”
Iha ogu kontinuasaun Liga Futebol Timor-Leste (LFTL) époka 2026 ne’e, habahat vitória emosionál ida-ne’ebé trai Eduardo ninia fuan rasik, tanba maske hadomi Ponta Leste maibé tanba domin lori AD Santo António hatohar Ponta Leste ninia Delun mehi nian.
Jogu ne’ebé lidera husi árbitru prinsipál Fernando da Costa ne’e, hetan asisténsia husi juiz liña Gabriel Pereira no Tome Araujo, ho árbitru rezerva Mario Ximenes, ne’e fó lee tba Santo António loke liras hetok semo dook.
Bainhira jogu la’o, ekipa rua lansa kedan kontra atake ba malu tuir tékniku no abilidade ekipa ida-idak nian oinsá atu prodús golu.
Santo António loke nia jogu ho presaun ne’ebé maka’as hasoru Ponta Leste, halo jogadór Ponta Leste halai tuir bola nia lalatak. Maibé, bele nune’e karik ba, Ponta Leste nafatin iha kbiit atu halo defensivu ne’ebé kle’an maibé ladun agresivu no lakon bola barak.
Santo António loke skor iha minutu 19 liu husi avansadu Olegar Xavier (18), hafoin aproveita bola rebatida iha área penalidade Ponta Leste nian. Golu ne’e halo ekipa uma-nain manán konfiansa no kontinua halo presaun.
Ho jogadór Santo António nia jogu ne’ebé domins kampu kontinua rezulta golu segundu iha minutu 35. Médiu ofensivu Abril da Costa (8) lansa xutu forte husi li’ur área laran ne’ebé guarda-rede Ponta Leste la konsege salva.
Molok árbitru huu arbitu atu bah emu bee, Abril da Costa marka tan ninia golu segundu pesoál iha minutu 45+1 bainhira aproveita pasa diagonal furak husi área karuk nian hodi taka primeira parte ho 3-0.
Tama ba segunda parte, Ponta Leste tenta hadi’a jogu liu husi halo substituisaun, maibé Santo António nia liña defeza ne’ebé lidera husi kapitán Adelino de Oliveira (3) konsege taka dalan hotu. Iha minutu 67, jogadór estranjeiru Emmanuel Ghanaian (11) taka konta ba 4-0 liuhusi kontra-atake lalais, simu bola husi Olegar Xavier no finaliza ho xutu kruza.
Haree ba rezultadu jogu ne’ebé semo dook ona, Ponta Leste labele duni tuir ona, basa iha minitu 78 sorte di’ak monu ba Ponta Leste liuhusi jogadór defeza Santo António halo erru iha lina laran bainhira jogadór avansadu kaer hela bola, nune’e árbitru foti desizaun ofrese penalidade ba Ponta Leste.
Momentu ne’e hanesan momentu osan mean ba Ponta Leste. Jogadór sira husu malu se loos mak atu sai ezekutadór. Husi desizaun jogadór sira entrega na jogadór Edson dos Santos (66) atu ezekuta penalti. Konfiansa ne’e fó duni, laiha lonsentrasaun di’ak Etson hodi xuta bola la tama maibé bola semo kois ba kona de’it iha rin baliza nian, ikus bola la tama no Ponta Leste hela kpo skor 0-4.
Kartaun Kinur 5 ba jogadór sira
Jogu la’o ho tensaun aas ne’ebé rezulta kartaun kinur 5 husi árbitru Fernando da Costa. Husi parte AD Santo António, kartaun fó ba Adelino de Oliveira (3) iha minutu 41 tanba tackle tarde, no Olegar Xavier (18) iha minutu 57 tanba kria erru hasoru jogadór Ponta Leste.
Enkuantu husi Ponta Leste, kartaun kinur ba Francisco Costa (8) iha minutu 13, Edson dos Santos (66) iha minutu 57, no Carol Martins (16) iha minutu 58, hotu-hotu tanba falta maka’as hodi hapara adversáriu nia jogu kmanek sira.
Husi votoria ne’ebé Santo António gaña lori ekipa ne’e lidera provizóriu tabele klasifikasaun ho pontu neen (6), pozisaun daruak, FIEL FC ho pontu neen (6) maibé diferensa golu, pozisaun datolu Nagardjo FC ho pontu ida (1), pozisaun dahaat AS Ponta Leste ho pontu ida (1) ikus liu Vila Atauru ho pontu zero.
Skuad AD Santo Antonio
Lourenço Henriques (20), Jose Oliveira (6), Sandro Quintão (14), Jose Pereira (25), Palomito Ribeiro (5), Anizo Boavida (26), Gabriel Siga (30), Silverio Garcia (27), Olegar Xavier (18), Adelino de Oliveira (3), Emmanuel Ghanian (11).
Jogadór Suplente
Herculano Lopes (12), Agostinho Lopes (22), Zeferinho Monteiro (19), Koyo Kanda (16), Uaitilia Amaral (17), Abril da Costa (8), Bras de Deus (33), Natalizio Pereira (24), Juvencio Casimiro (10), Januario da Silva (23), Octavio Mesquita (13), Herbonio Lopes (31).
Skuad AS Posta Leste
Jemecriz Pereira (99), Candido de Oliveira (77), Kon Kawahara (35), Dino Amaral (5), Nelson Ximenes (24), Francisco Costa (8), Carol Martins (16), Alberto Soares (23), Julvito Nascimento (9), Pedro da Costa (7), Ario Ximenes (11).
Jogadór Suplente
Deonantino Madeira (32), Delivio dos Santos (70), Gabriel Belo (22), Leonardo da Costa (25), Armando Soares (19), Gaudencio Osorio (30), Cristiano de Deus (98), Manuel Cristo (10), Sebastião dos Santos (47), Cano Xavier (20), Edson dos Santos (66).
Jornalista : Hortêncio Sanchez
Editór : Cancio Ximenes
