DILI, 08 Juñu 2026 (TATOLI)—Ministru Obra Públika, Samuel Marçal, konsidera atividade movimentasaun (sirkulasaun viatura) no klima (rai manas) labele redús rai-rahun suar iha implementasaun atividade reabilitasaun ka konstrusaun estrada sira.
Notísia Relevante: Alargamentu estrada Kuluhun-Bekora fó prioridade ba transporte públiku-ema la’o ain sira
Nia hatutan, kona-ba rai-rahun suar maka’as iha alargamentu estrada iha Kuluhun to’o Bekora ne’e, nia parte orienta ona empreza atu rega rai loro-loron hodi evita rai-rahun suar iha implementa projetu reabilitasaun estrada referida.
“Imi ba haree empreza rega hela rai, maibé tanba ho movimentasaun no rai manas entaun tenke rezulta rai-rahun suar,” Ministru Samuel informa ba jornalista sira iha nia kna’ar fatin, ohin.
Governante ne’e hatutan, bainhira Governu halo servisu ida liuliu hanesan reabilitasaun ka konstrusaun estrada ne’e tenke iha rai-rahun suar, entaun hakarak ida rai-rahun laiha ne’e tenke buka dalan atu kee ka halo estrada ne’e liuhusi tasi de’it.
“Imi haree, agora movimentasaun iha Bekora-Fatuahi taka no provizoriamente liuhusi fali Dolok oan, satán iha ne’ebá iha hela prosesu reabilitasaun estrada,” nia dehan.
Notísia Relevante: Alargamentu estrada Kuluhun-Bekora ho luan metru 23,74 no naruk kilómetru 4
Jornalista : Alexandra da Costa
Editór : Cancio Ximenes
