DILI, 10 Juñu 2026 (TATOLI)—Ekipa istimadu husi Munisípiu Vikeke hanaran Lica-Lica Lemorai FC termina nia jornada ikus iha Liga Futeból Timor-Leste (LFTL) époka 2026 empata ho adversáriu AC Mamura 2-2.
Husi empata 2-2 ne’e lori ekipa rua tenke fahe de’it pontu ba malu hodi termina jogu ikus iha grupu B nian. Iha ne’ebé tabela klasifikasaun grupu Lica-Lica rekolla de’it pontu 5 no AC Mamura mós rekoilla de’it pontu 5 husi jogu dala haat.
Entretantu, jogu ikus ba ekipa rua realiza iha Estádiu Munisipál Dili, kuarta loraik ne’e, lidera husi árbutru, Candido Manuel, juiz da liña, Paul da Costa, Tome Araujo no árbitru rezerva Eufrasio Silva.
Bainhira primeira parte hahú la’o, jogadór husi ekipa rua lansa kedan kontra no atake ba malu tuir tékniku no abilidade ne’ebé iha.
Lica-Lica halo presaun maka’as ba Mamura ho formatu 4-3-3 ne’ebé monta husi treinadór Nelson Soares. Presaun ne’e seidauk to’o minutu ida, iha jogu minutu rua (2), jogadór Mamura hetan oportunidade bola falta ne’ebé kria husi jogadór Lica-Lica iha loos grande área Lica-Lica nian.
Falta ne’e árbitru fó orientasaun ba jogadór Mamura hodi ezekuta sutu livre. Sutu lansa husi jogadór Roberto Maia (28) bola tama liu rede laran hodi muda rezulatdu dahuluk 1-0 ba Mamura.
Golu ne’e lais liu maske Lica-Lica mak halo presaun maka’as, Mamura selebra vitória ho haksolok ne’ebé apoiu másimu husi adeptu atus ba atus.
Lica-Lica kontinua halo presaun, maibé Mamura nia rezistensia maka’as susar ba avansadu Lica-Lica atu prodús golu, maibé jogu la’o to’o minutu 39 jogadór Lica-Lica Zyzeus Vong (18) lansa xutu ida husi dook ho velosidade neineik, maibé ladun antisipa di’ak husi guarda rede Mamura Abilio Berek (30) bola tama liu rede laran hodi muda rezulatdu 1-1 ba ekipa rua.
Mamura hahú lakon bola maibé ekipa ne’ebé lidera husi treinadór Edy Fernandes ne’e la lakon esperansa maske jogu empata ona 1-1. Nia nafatin orienta jogadór sira atu joga ho rítmu ne’ebé maka’as no halo kombate ne’ebé adekuadu.
Jogu la’o hela daudaun, árbitu lian be lian, tempu ba parte dahuluk nian tenke termina ho rezultadu provizóriu 1-1.
Haka’at ba segunda parte, ekipa rua kontinua lansa kontra-atake ba malu, Mamura lakohi atu hela ho empata lansa ateke ne’ebé maka’as.
To’o ikus, iha minutu 58, jogadór Mamura Ruben Soares (10) responde golu segundu ba Mamura hodi muda rezultadu ba 2-1.
Lica-Lica la nonook, tenta responde atake ho neineik, la ansi halo golu bainhira seidauk iha oportunidade. Jogu la’o minutu ba minutu, iha minutu 82, jogadór Lica-Lica Diogo Soares (7) konsege salva Lica-Lica nia derrota husi Mamura muda rezultadu ba 2-2.
Husi golu ne’e sai hanesan golu ikus ba ekipa rua hodi termna sira-nia jornada hodi fahe de’it pontu ba malu to’o apitu minutu ikus lian taka jogu.
Jogu ne’e la’o iha ámbitu ne’ebé pás basá to’o jogu termina laiha jogadór ida komete kartaun kinur no mean.
Ekipa Lica-Lica Lemorai
Timoteofilo Romuldo (42); Henrique da Costa (29), Demelson Arcanjo (24), Tonito Belo (23), Jaserlito de Jesus (26); David Correia (28), Jonas Savio (19), Ivo Pinto (22); Tonzo Madeira (6), Diogo Soares (7), Nencio Fernandes (11).
Jogadór Suplente
Januario Alves (30), Lucio Barros (21), Zenio Soriano (13), Armindo Amaral (20), Joanico Noronha (15), Florindo Pinto (8), Kevin Fernandes (12), Faviano Esteves (27), Jacob Gomes (5), Mario Qefi (17), Placido Nascimento (25), Jyzeus Vong (18), Mario Freitas (10), Rui Freitas (9).
Ekipa AC Mamura
Boavento Moniz (1), Roberto Maia (28), João Gusmão (3), Nuno Valente (13), Elpidio Marques (2), Cristiano Loiola (21), Helder Valente (7), Pascoal Bucar (25), Melchior Cristovão (32)Zeferino do Carmo (23), Volter Clau (20).
Jogadór suplente
Abilio Berek (30), Eduardo Rego (5), Jeovanio Freitas (14), Marquito de Almeida (26), Jeferino Marques (18), Alexandre Marques (24), Cedelisio Rego (12)Anglino de Jesus (8), Jesunho Gonçalves (17), Delvio Lobo (11), António Crsitovão (32).
Jornalista : Hortêncio Sanchez
Editór : Cancio Ximenes
