DILI, 16 Juñu 2026 (TATOLI)–Ofisiál Superiór Polísia Nasionál Timor-Leste (PNTL) na’in-ida ne’ebé daudaun hala’o knaar iha Diresaun Servisu Investigasaun Kriminál suspeitadu ba krime abuzu poder, korrupasaun ativa, falsifikasaun dokumentu no administrasaun.
Ofisiál Superiór referida daudaun ne’e destaka iha Diresaun Servisu Investigasaun Kriminál Nasionál. Nia envolve krime korrupasaun ne’e tanba iha tinan 2023 halo levantamentu ba osan PNTL iha Ministériu Finansa ho montante $5.000 atu halo uza ba osan operasionál nian, maibé osan no tuir informasaun ne’ebé iha katak la prevee ba verba referida.
Notísia relevante : CAC halo ona averiguasaun ba polémika lista rekrutamentu membru foun PNTL
Nune’e, ho hahalok Ofisiál Superiór PNTL ne’e Estadu Timor-Leste hetan prejuizu, nune’e iha fulan kotuk Ministériu Públiku liuhusi Gabinete Sentrál Kombate Korrupsaun no Krime Organizadu (GCCCO) notifika ona Ofisiál Superiór referida hodi presta deklarasaun iha Ministériu Públiku.
Iha Segunda (15/06) Ministériu Públiku rejista kazu ne’e ho númeru NUC 0054/26.PGGCC.
Hatan ba kazu ne’e, Segundu Komandante Jerál PNTL Komisária Asistente Polísia Natercia Eufrásia Martins, hateten, Ofisiál Superiór suspeitadu ba kazu abuzu poder ne’e prosesu la’o hela, depois akompaña nia rezultadu.
“Nia (kazu ne’e) la’o hela husi parte rua, kriminál ninia la’o no disiplinar ninia mós la’o,” Komisária Natercia hato’o ba Jornalista sira hafoin hasoru malu ho Ministru Interiór, Francisco da Costa Guterres iha sala enkontru Ministériu Interiór, Vila-Verde, Tersa ne’e.
Nia dehan, Komandante Jerál PNTL hatuun ona despaisu ba Unidade Disiplinar atu haree kazu ne’e, nune’e unidade ne’e iha kompténsia atu fó xamada.
Jornalista : Natalino Costa
Editora : Julia Chatarina
