Governu ratifika akordu kooperasaun entre Timor-Leste no Nova Zelándia iha área defeza 

DILI, 19 Juñu 2028 (TATOLI)-Konsellu Ministru delibera hodi ratifika Akordu Kooperasaun iha Área Defeza entre Timor-Leste no Governu Nova Zelándia, ne’ebé asina iha loron 11 fulan-Juñu tinan 2026, husi Ministru Defeza, Donaciano Costa Gomes, no Ministru Defeza Nova Zelándia nian, Chris Penk.

Tuir dokumentu Governu, akordu ne’e estabelese kuadru kooperasaun bilaterál ida iha área defeza nian, ho énfaze liuliu ba dezenvolvimentu forsa armada, liuliu iha área formasaun, treinu no setór sira seluk ne’ebé konsidera nu’udar prioridade ba reforsu kapasidade institusionál FALINTIL-Forsa Defeza Timor-Leste (F-FDTL) nian.

Ho ratifikasaun ida-ne’e, hametin liután lasu kooperasaun entre Timor-Leste no Nova Zelándia iha setór Defeza, hodi kria kondisaun ba dezenvolvimentu inisiativa konjunta entre instituisaun nasaun rua ne’e nian no mós hametin kapasidade nasionál iha área ida-ne’e.

Jornalista: Arminda Fonseca 

Editora: Maria Auxiliadora