DILI, 21 Juñu 2026 (TATOLI) – Suisa fó benvindu ba delegasaun iranianu kona-bá konversasaun dame ne’ebé asina ona ho Estadu Unida Amérika (EUA).
“Ami fó benvindu ba delegasaun iranianu iha Suisa,” hakerek hosi Ministériu Negósiu Estranjeiru Suisa nian iha plataforma sosiál X iha loron-sábadu ne’e, iha post ida ne’ebé akompaña ho foto ida.
Ministériu ne’e hatutan tan delegasaun iranianu ne’e sei ba sidade Burgenstock iha kantón Suisa, Nidwalden nian hodi ko’alia kona-ba implementasaun hosi memorandu entendimentu nian.
Pakistaun fó-sai ona katak konversasaun sira iha nível tékniku entre Estadu Unida Amérika ho Iraun sei hala’o iha domingu ne’e iha Burgenstock.
“Hafoin asinatura hosi Akordu Islamabad nian, konversa sira iha nível tékniku sei hala’o iha loron 21 fulan-Juñu iha sidade Suísa, Burgenstock”, hatete hosi Ministériu Negósiu Estranjeiru Pakistaun nian liuhusi nota imprensa.
Iraun anunsia antes katak delegasaun ida sei bá Suisa hodi ko’alia kona-ba implementasaun hosi memorandu entendimentu nian no hapara atake izraelita sira hasoru Líbanu.
Entretantu, Vise Prezidente EUA nian, J.D. Vance mós sai hosi Washington hodi tuir konversasaun dame ne’e.
Entretantu, Iraun ho Estadu Unida Amérika fó-sai katak, hanesan parte hosi negosiasaun sira ne’ebé mediadodora hosi Pakistaun, nasaun rua ne’e hetan ona memorandu ida ho pontu 14 iha loron 14 fulan-Juñu, ne’ebé estipula hakotu ostilidade sira no rezolve kestaun oioin entre parte rua liuhosi diálogu.
Memorandu entendimentu, ne’ebé koñesidu hanesan Akordu Islamabad, tama iha vigór hafoin parte rua asina dijitalmente iha loron 18 fulan-Juñu hosi Prezidente Iraun nian, Masoud Pezeshkian no Prezidente Estadu Unida Amérika nian, Donald Trump.
Akordu ne’e inklui provizaun lubuk ida, hanesan hakotu funu, inklui iha Líbanu, loke fali Estreitu Ormuz, no hasai blokeiu navál norte-amerikanu nian hasoru Iraun.
Hafoin asinatura, hein katak parte rua sei hahú kedas prosesu negosiasaun ida ho loron 60 kona-ba asuntu oioin, inklui programa nukleár Iraun nian no hamenus sansaun sira, ho objetivu atu hetan akordu finál ida.
Notísia relevante: Trump espera Iraun konkorda atu halo akordu iha loron 60 nia laran
Fonte: Anadolu/Antaranews
